(四川之旅) 第七天….樂山大佛 (12 Feb 2008)

早餐後就出發去樂山大佛同峨嵋山, 旅遊巴突然在高速公路上爆軚(只爆一條外軚), 唯有捱到去一個休息站, 要等救援車哩修理, 好彩剛剛有一個賣茶葉同手信的地方叫天福茗茶, 一坐就個幾鐘, 走時個個一袋袋手信帶走, 疑為攪掂…原來又要捱去搵車房再整, 點知車房又無工具又唔掂, 我們提議唔食午餐先直駛去樂山大佛景區先, 擾攘一輪, 最後我們決定不去峨嵋山, 因時間實在不夠, 淨去樂山大佛, 落車後我們先到一間門面似樣既鄧強飯店吃午餐, 再坐船睇大佛, 不過只是離遠睇無行上去, 司機哥哥就襯這段時間將車修好。傍晚時份就回酒店, 休息一陣又出去食飯, 便各自逛逛街, 原來最辛苦係截的士, 周圍都爭的士…好似比賽咁, 有些團友就行返去算吧。