預備篇 (Part 1)
經過考小一成個階段, 真係好可以用四個字去形容, 就係 ‘越戰越勇’, 記得一開始真係一頭霧水, 究竟要報幾多間先夠? 直資?私校?資助? 係什麼東東?又有什麼分別呢? 上網搵資料睇到驚, 因為我本身住得比較遠, 首先決定唔會報港島區, 所以範圍收窄左好多, 最後決定唔理咁多, 坐定定係電腦前,將自己認為如果學校真係有offer, 又會考慮讀既學校,就上去學校網頁睇定報名既詳情。然後用excel全部打曬出哩, 考小一經常會遇到撞期, 而家好多小學好似夾定咁, 好多時第一、二輪面試總會撞曬日子, 幸運地我只係一間區內小學既第二輪面試撞左九龍區其中一間既第一輪面試, 記得係預備開始交報名表之前, 自己有做定小小功課, 知道大部份小學都會係網上發放報名詳情既時候, 基本上都會話比你知邊幾日或邊日第一輪面試, 因為寶貝囡幼稚園係返上午班, 所以如果有timeslot 比家長自己選既, 我都會選最早或早上時間去,怕寶貝囡放學先去面試會好疲倦。如果面試時間係學校安排, 我就會參考下去年學校安排面試日子的情況(當然加上自己的估估下)去做戰略調整(哈哈, 哩個term太嚇人啦)。續………………
原來距離上次寫blog已經有幾年時間, 之前開始寫係因為呀女出世, 但後來又因為太忙,根本無辦法堅持寫落去, 中間又要面對寶貝囡考小一的痛苦又漫長的日子, 因為近來又多左D時間, 又開始迷上左'精油', 好想透過文字分享下生活既小記......
記得係開始考小一既時候, 呀女既契媽Fiona 比左一套既精油我, 因為剛好開始應付考小一, 又要忙報名、又要忙預備面試, 壓力好大, 記得當夜闌人靜一個人去睇小一學校資料既時候, 左面一包薯片, 右面一包飲品, 根本無時候去研究精油係什麼,就因為自己從來對精油無認識更沒有很大興趣, 所以一放就放左差不多成年。記得今年十月份某一天, 呀女全日狂咳無停過, 奇實近半年除左寶貝囡發燒比佢食退燒藥之外, 我基本上會等佢自己好, 因為次次食完藥又攰又眼瞓, 令寶貝囡又返唔到學又無曬精神。就係見佢咳唔停就心思思想用精油試下, 即刻Whatsapp Fiona問下佢點溝點搽, LLP(Lemon+Lavender+Peppermint)名字好陌生但又係好work, 稀釋左幫寶貝囡一日搽左3次, 好似又真係無咁咳, 唔到你唔信, 記得最嚴重時, 要用棉被建座小山丘比佢瞓覺, 自己又無覺好瞓好慘。
後期先知道有枝R.C.重正, 一見寶貝囡開始喉嚨唔係好舒服, 我係會滴幾滴R.C. 係diffuser等佢有覺好瞓。
 |
| 薰衣草精油 |
 |
| 檸檬精油 |
 |
| 薄荷精油 |
 |
| 呼吸道精油 |
