Stephanie Travelog

後記

2008-07-12T02:08:00.001+08:00

台灣既天氣真係可以用藍天白雲去形容, 雖然有時突然間會落大雨, 開遮都開唔切, 但大多數都係好好既天氣。在墾丁遇到的都是好人好事..讓我留下一個很好的回憶, 好想下一次再來這個美好的地方。相反地, 阿里山給我的感覺實在太差啦, 人同事都係..大家異口同聲講未來十年盡可能都不會再來。但肯定的是….這個六人女子組合好想盡快有下一個一齊再去旅行的機會。

(台灣南部之旅) 第七天….奮起湖/香港 (1 July 2008)

2008-07-12T02:04:00.004+08:00

一早就整理好行李, 又係飯店大堂等出發去奮太古道、原始神木群, 突然係休息期間, 先想起我同呀樂係要早走返香港, 我地即刻用九秒九跑返去飯店, 原來司機已經係到搵緊我地啦, 即跳上車…經過差不多四個鐘頭既車程終於到左高雄小港機場。不過我地途經一個叫觸口既地方休息一陣, 呀樂一落車就好快跑左上去吊橋, 原來這裡有兩條橋分別叫「天長」「地久」橋, 又係一個路邊服務站食左一頓都好好食既午餐。去到機場check-in後, 我同呀樂就將身上最後有既台幣都冼清啦…

(台灣南部之旅) 第六天….阿里山觀日/奮起湖 (30 June 2008)

2008-07-12T02:00:00.003+08:00

準時凌晨4點10分係飯店等果位帶我地睇日出既陳小姐, 為怕又出事, 我已經係昨晚食飯時已經打電話比佢約定佢, 眼見一車又一車既人上山去, 我地梗係心急啦, 多謝飯店既伯伯幫忙, 不停打電話比陳小姐, 又打電話比蔡生啦, 伯伯同我地講日出時間太約係5點20分, 車程又要45分鐘。最後陳小姐係4點35分出現, 問佢點解遲到, 佢又話唔駛急, 真係比佢激死, 沿途都見個天慢慢光, 上到去已經見到好多人係度等睇日出, 日出真係只有五分鐘時間, 太陽就升左上哩, 大家都話咁辛苦都係值得。之後去左幾個景點影下相..夫妻樹、鹿林神木、姐妹潭、受鎮宮、香林國、神木區、樹林塔、慈雲寺等等。返飯店收拾好所有行李準備出發去奮起湖, 司機叔叔叫葉崑城, 佢真係超攪笑, 成日問D無厘頭既IQ題, 連瞓左覺既我隱約聽到都笑出哩。終於到達啦, 放低行李就去嘆午餐~奮起湖出名既鐵路便當, 不過我個人就覺得嘛嘛地啦(因為配菜重好食過主菜)。準時三時半就係飯店等齊人, 參加由當地人帶領我們出發遊下奮起湖幾個景點..阿祖級火車頭、四方竹、百年車站、百年杜鵑樹、百年梢楠木等等。回到飯店, 有一檔賣生果既貨車停係門口, 我地買左荔枝、芒果同巨峰提子返房食, 真係好好食呀。食完生果又準備食晚飯, 不過就嘛嘛地啦, 最後就大夥兒去嘆下咖啡。

(台灣南部之旅) 第五天….阿里山 (29 June 2008)

2008-07-12T01:57:00.002+08:00

呀牛老闆已經一早預備好車比我地出發去嘉義, 但就係我上去叫Vicky同Caris食早餐既時候, Caris話Vicky要返香港先, 因為佢重發緊燒好唔舒服, 我地就第一時間打去航空公司睇下有無最快機位返去啦, 一齊都攪掂曬, 我地因為都要趕去嘉義, 所以都要出發, 因Vicky失聲, 唯有麻煩呀牛老闆如有任何需要聯絡就幫忙一下。經過成三個多鐘頭既車程, 終於到達嘉義火車站, 好快就見到我地參加既阿里山同奮起湖三日兩夜既旅行社聯絡人~蔡生, 佢簡介一下就叫我地自己去食嘉義出名既火雞肉飯, 真係唔錯呀, 準時搭1點半既小火車上阿里山, 小火車真係有好舊的感覺, 搭左差不多四個鐘頭終於到達阿里山。在途中蔡先生打電話比我, 話我地之前訂個間飯店無房, 叫我地住另一間, 重話質數差唔多, 一到步見到好多人舉住個有飯店名既牌係到等, 因我地要先去洗手間, 所以係最後一批人走出火車站, 只剩翻一個哥哥仔攞住個「櫻山大飯店」既牌(即係原本我地訂個間), 原本惡夢就係哩一刻開始, 哥哥仔同我地講成個阿里山既飯店房都滿曬, 佢負責帶我地去民宿, 我地「吓左一聲」, 梗係唔去啦, 我就即刻打比蔡生投訴啦, 收線後哥哥仔又話佢趕住要走(態度勁差個隻), 我梗係叫佢等埋先啦, 不過我地最後決定先去個間所謂民宿睇下先, 因為正正落緊大雨, 又要攞行李上車, 再加上哥哥仔又唔幫手, 真慘。幾分鐘, 車停係一處好似無人既地方, 我團友Rosanna就跟哥哥仔入去睇下, 佢形容民宿既環境真恐怖, 我又要立即打比蔡生, 話我地唔會住個間民宿, 哥哥仔又話佢要走, 最後我地五個人就企係度商量點做, 你知嗎? 我地真係唔會比人「蝦」…姊妹們各自分頭行動, 呀樂同Caris就去睇下其他飯店有無房, 我地就繼續同蔡生講數啦, 最後蔡生安排左一間叫高山青飯店比我地 (可能佢知道唔好「蝦」啦), 放低行李之後, 我地決定先去「櫻山大飯店」睇下係唔係真係無我地訂房既記錄同埋睇下房間幾錢一晚, 果然真係無我地訂房記錄, 價錢就差唔多。最後就去到旅行社安排既山芝鄉風味館食晚飯, 都幾豐富啦..之後就係附近行左一陣就返去休息。

(台灣南部之旅) 第四天…. 墾丁一天遊(船帆石/砂島/鵝鑾鼻/最南點/龍磐公園/風吹砂/茶山吊橋/出火/恆春 (28 June 2008)

2008-07-12T01:52:00.002+08:00

今日攞左民宿包左既麥記卷食個靚早餐, 因此昨天食民宿預備既甜腿蛋三文治真係太難食。其餘四位團友Rosanna、Shylock、Caris同Vicky一早會由高雄到墾丁, 大家就在另一間民宿〜牧場旅棧見面啦, 一見到Vicky的病容真係太慘啦..她發燒同失聲, 但暫時仍可繼續行程, 因未能check-in 所以先出去走走。牧場旅棧既呀牛老闆真係好好人, 樣樣都好細心幫我們安排好曬。穿過靜靜既墾丁街去到兩日前同呀樂行過既海灘, 睇哩個四位團友唔鍾意同陽光玩遊戲, 所以好快行完就去食飯啦。去到一間好似叫峇里公主既餐廳食lunch, 不過我就覺得唔太好食囉。跟住就返牧場旅棧check-in, 一入到去間房, 我地都十分興奮, 因為全間房既牆都係牛牛哩, 大部份既擺設都以牛牛為主題, 好似拖鞋、枕頭、厠所門、厠所板等等, 我們當然唔會放過影相留念既機會。因為Vicky同Caris可能太累啦, 所以只有我地四個人出發去墾丁觀光一天遊, 遊墾丁我覺得一定要包車囉(如果超過兩個人), 因為每個景點真係有點遠, 半日就已經遊左八個景點, 好多都係落車影影相就去下一個景點, 最耐都係逗留係鵝鑾鼻燈塔, 不過各有各特色, 最後去左恆春既鴨肉蔡食晚飯, 重叫左佢地最出名既鹹水鴨, 又真係好好食。

(台灣南部之旅) 第三天…. 墾丁/海洋生物博物館(海生館)/恆春 (27 June 2008)

2008-07-12T01:50:00.002+08:00

早上準時八點半出發, 坐墾丁街車去海生館, 哩台南旅行最緊要帶學生証(如有既話), 因為好多門票都差不多有半價, 我梗係有啦..因為重係學生嘛, 一入館第一時間去最有興趣既珊瑚王國館, 再去世界水域館, 我地重睇左企鵝表演, 好cute。係館裡面食拉麵就走啦..向恆春出發, 在恆春影左幾張相..熱力真係太逼人..只係食左個豆腐花就返去瞓晏覺, 晚上又出動行夜市, 今晚重多人… 最後係一間叫五十嵐買左杯超好飲既珍珠奶茶同生果就回去啦…

(台灣南部之旅) 第二天….高雄/墾丁 (26 June 2006)

2008-07-12T01:49:00.002+08:00

早餐過去, 我們要先去銀行入錢比當地旅行社, 之後就返酒店check-out, 就出發去高雄車站坐巴士去墾丁, 墾丁係一個我好想去既地方, 因為睇左套台劇叫〝我在墾丁〜天氣晴〞真係幾好睇,一去車站就有88號快速公路巴士, 即買即上車, 經過太約兩個多小時, 終於到達墾丁街, 再拖住行李再行一分鐘就到達寧靜海民宿, 環境同房間比我預期中好好多, 休息一陣, 就去墾丁街搵嘢食醫肚, 不過果餐就一般啦, 因為中午時份墾丁既天氣好曬好熱, 我地行左一陣已經頂唔全, 就去左Starbucks嘆咖啡(其實嘆冷氣先真), 見到條街好冷清唔多人, 最後呀樂先返休息下, 我就一個人係墾丁街逛一陣, 返民宿匯合呀樂之後就去行沙灘, 真係水清沙幼, 條海岸線重好長, 不過浪實在太大, 所以無人敢游水只在岸邊玩水, 係墾丁有一樣嘢必須隨身攜帶〜就係遮, 因為隨時會落大雨, 幾分鐘之後又會陽光普照, 今日晚餐去左食牛排..不過麻麻地, 反而個沙律bar既嘢好食得多, 食飽飽之後再去逛夜市, 一走出餐廳大門口, 見到成街都係人, 同中午時份真係天淵之別, 原來墾丁就係咁既。

(台灣南部之旅) 第一天….…..香港/高雄 (25 June 2008)

2008-07-12T01:44:00.001+08:00

今次係我自己第一次獨自搭飛機去第二度, 心情好緊張(真遜), 真係貴人出門招風雨, 呀樂出發果日已經有颱風出現,不過佢同我講佢應該可以預期上機, 而我聽日上機就難講囉, 真的, 我上機前一晚十點幾真係掛8號風球, 無計啦, 明天再算, 因為搭晨早九點機, 所以一起身六點就即刻上網睇下班機有無delay或cancel囉, 又唔見有, 又怕網上資料唔update, 又打去航空公司check下, 但電話又打唔通, 唯有繼續梳洗準備出發去機場, 出面天氣真係好差, 落緊好大雨, 好彩有Daniel送我去機場, 但他相信8號風球加上惡劣既天氣, 我的飛機不能起飛, 最後我再試試打去航空公司check下, 最後確定航班預期出發, 去到機場人頭湧湧, 真不敢相信出面真係掛緊8號風球。

經過個多小時飛機已經到達高雄小港機場, 藍天白雲, 同香港既天氣真係相差太遠, 因為同一時間有幾個旅行到達, 所以辨台証都攪左一段時間, 攞行李、出海關就去唱台幣, 本來想搭捷運, 但人生路不熟又攞住個大行李箱, 所以就搭的士匯合呀樂。得我地兩個人, 所以沒有特別計劃去邊, 只去睇下愛河同六合夜市。因為明天一早要去墾丁, 所以先去車站睇下巴士時間表。之後呀樂想搭高鐵, 就先搭捷運由高雄火車站去左營站, 再坐高鐵由左營站去台南站, 原來台南高鐵站距離市區幾遠, 不過有免費接駁車去市區, 我地就去左台灣都幾出名既度小月食午餐, 真係幾好味, 食完再返高雄睇愛河, 不過我就覺得一般靚啦。好戲在後頭〜六合夜市, 真係好多台南地道小吃, 麻辣臭豆腐、新疆串燒、條食街又唔算太長, 所以最後都要食翻碗新竹米粉填下肚仔先返去休息。

台灣南部之旅~前記

2008-07-12T01:43:00.000+08:00

今次六人女子組合一齊去台南旅行真係第一次, 其中Rosanna同Caris係第一次踏足台灣, 首先呀樂會係24號先出發去高雄, 我自己就25號獨自出發, 其他人就會係28號出發。因為我地係墾丁都係住民宿, 所以參考過好多網友既意見, 我同呀樂既3日2夜就住係墾丁既寧靜海, 等其他人到齊就住係牧場旅棧渡過在墾丁的一晚, 最後就參加左台灣當地旅行社既3日2夜阿里山〜奮起湖之旅。今次旅行既組合真係天衣無縫, 因為不同性格特性既人都集中在這個旅程裡面, 有爛gap王、有十十、有為食王等等。

後記

2008-03-31T23:37:00.002+08:00

峇里同新加坡兩個地方我都係第一次去, 峇里我最鐘意玩激流…最靚係Chapel, 而新加坡樣樣都好好食….真係難忍口….又肥左幾磅啦….

(峇里、新加坡之旅) 第八天…. 新加坡/香港 (30 Mar 2008)

2008-03-31T23:34:00.001+08:00

哩到旅程既最後一日…一起身就去到附近既松發肉骨茶食lunch, 都ok好食啦, 之後坐MRT由Clarke Quay 去Dhoby Ghaut再轉去Orchard , 有好多酒店同大型shopping mall 係Orchard Road兩旁, 因要趕時間去機場…所以無時候行啦…。真係唔該曬Pat姐…送我地去機場。

(峇里、新加坡之旅) 第七天…. 聖淘沙 (29 Mar 2008)

2008-03-31T23:30:00.001+08:00

今天Chris既朋友Pat姐會帶我地去遊聖淘沙同埋食新加坡好食既嘢, 第一站去到328加東叻沙(我就係一個勁鐘意食叻沙既人)…原來叻沙既原產地就係係加東, 真係好正宗..完全同香港唔同, 我連湯都飲埋, 如果唔係要留肚食其他嘢, 我想我再食一碗。下一個行程就係去由細細個已經成日聽既名……聖淘沙(Sentosa), 我地搭Cable Car 去影獅子頭, 再搭Sentosa Express 由 Imbiah Station 去 Beach Station, 啱啱今日係星期六, 所以都好多人, 好靚既沙灘…我地就搵左間舖頭飲下啤酒食下pizza休息下, 個pizza又係超正…。我地又搭去Sentosa Station 行街街, 黃昏時候我地去左Pat姐朋友係Pasir Panjang Food Centre開既香蕉叶燒烤海鮮食嘢, 好多嘢食..有黑胡椒蟹、燒魔鬼魚、螺..樣樣都好好味, 重有果杯唔似庶水既庶水, 真係食到抱住個肚。下一站就係去Mount Faber Park行, 亦係其中一間特別餐廳珠寶盒(The Jewel Box)既所在地, 另外我地見到最特別係有吊車餐廳, 有情侶會係行緊既吊車上共進一頓晚餐, 服務員會不斷按時送上各樣食物, 真係好特別。又係食嘢既時間…又哩到出名食豆腐花舖頭叫梧槽豆花油條, 真係好滑既豆腐花…超正。係時候買下手信啦…去到又係好出名既林志源….知唔知賣什麼東東? 就係賣牛肉乾、豬肉乾既舖頭, 好多人排隊…反而香港有既美珍香..好似拍烏蠅咁, 食飽飽就行吓牛車水夜市..都係同香港既廟街差唔多, 最後一站就去到食榴槤….我好似係第二次試食…不過都係頂唔順, 飲飽食醉返去啦……

(峇里、新加坡之旅) 第六天…. 峇里/新加坡 (28 Mar 2008)

2008-03-31T23:26:00.001+08:00

今天搭朝早9:15分飛機, 經過太約2個半鐘頭飛機…終於到達新加坡, 第一個感覺好舒服同乾淨, 再搭的士去Uncle住的既地方…我地都會住係度..。第一站去牛車水美食街(即Chinatown food street)食嘢..點知大部份舖頭都未開, 就改去文東記小吃食海南雞飯, 真係好好食呀..食飽飽後就周圍行…去左好出名既榴槤同噴水獅子影相。今晚約左呀De既大家姐同姐夫去East Coast Seafood Centre入面既無招牌(No Signboard Seafood)食飯, 我地點左最出名既白胡椒蟹..個蟹鉗好大隻..好好食。

(峇里、新加坡之旅) 第五天…. 烏布(Ubud)激流/努沙杜瓦(Nusa Dua) (27 Mar 2008)

2008-03-31T23:24:00.001+08:00

今日去左玩激流(SOBEK White Water Rafting), 我第一次玩..所以都係參加個一般勁既先。搭左個半鐘車程又去到烏布既Rafting Starting Point, 著上一身裝備後就出發…沿石級行左差不多五分鐘落到去就見到一隻隻既橡皮艇啦…先由專人講解基本要留意既嘢..就上船啦, 好興奮呀因為真係想像唔到會點??會唔會跌落水呢?? 一開始不久就先遇到一個流…我就由個位跣左入艇(哈哈!), 沿途風景好靚, 最好玩係我地不斷追前面一隻由四個澳洲人+一個識講廣東話既當地guide既艇, 佢地好好玩…我地互相撥水..我地又發揮中國人打不死的精神不停追, 我就係一個不留神的時候就比個guide拉左落水, 當然無事啦..如果下次有機會再玩我一定玩過勁level既, 係過程中突然見到有個外國人衝緊過哩, 我地即刻伸個漿比佢..河水都好急…最後上左我地架艇..再過返佢自己架艇。玩完後就係河邊有lunch buffet食, 差不多12:30pm就起程去買定今晚party既酒同零食。再由酒店出發去Nusa Dua去玩飛魚(Fly Fish)..點知係填好form之際, 有個陌生人同我地講, 佢地玩既時候根本玩唔足時間..即搵笨囉..所以放棄唔玩。之後再去Fish Market食嘢…點知個Fish Market係無嘢食… 我地就問下當地人…點知佢帶埋我地去…不過間餐廳唔係好掂..所以淨係食左個炒飯同飲左冬蔭功湯即走……返酒店游水…突然行雷閃電…即閃啦。晚餐去左呀De今晚住既Pat-Mase Villas入面食, 因為今晚會係度開Party…今晚真係玩得好開心…玩到零晨1點先走…

(峇里、新加坡之旅) 第四天…. De & Coolie Wedding Party - infinity chapel (Conrad Bali Resort & Spa) (26 Mar 2008)

2008-03-31T23:20:00.002+08:00

終於到左今次峇里之旅既最終目的…就係出席呀De同Coolie既結婚典禮, 不過新郎哥提醒我地不要太早到, 因為怕撞到新娘子…所以我地大部份親朋戚友都住係另一間酒店。Daniel今約左兩個印尼friend 見面, Chris、Rosan同我就去左酒店附近既Bali Collection行街買手信。準時2點鐘所有住係Novotel酒店既親朋戚友都係Lobby等, 你知嗎?..原來有成十幾個人..包括雙方家長、新娘子哥哥、新郎哥大家姐同二家姐、新娘子既中學大學同學等等。一到達Conrad, 我地所有人……就安排留係一間房裡面等….大家都屏息以待…(原來新娘子就係隔離房化緊妝), 突然新郎哥一身causal wear出現係我地面前, 真比佢嚇襯, 原來佢同我地講新娘子已經知道左啦…不過佢唔知有幾多人哩左…。由房門走出去就見到個超靚wedding chapel, 真係睇相同親眼見到真係好唔同, 時候差不多, 我地所有人就坐定定等, 終於見新郎哥先步入小教堂, 再見到新娘子由爸爸拖住步入, 真係令人太太太感動啦… 新娘子好似好緊張咁…原本佢話要忍住怕會湧出眼淚, 但我們有些人都忍唔住流了淚…因為眼前這個情境真係令人太感動啦, 我見到新娘子既爸爸亦偷偷抹眼淚。一邊望住新娘子Coolie步入一邊聽住live band唱住歌, 每一個都享受著這份難以形容的心情, 雖然係短短半小時的婚禮, 但實在使人永遠難忘。之後就係青草地上切結婚蛋糕…影吓相。之後先返酒店休息一陣同換件衫再去參加wedding banquet, 真開心因為今晚認識左新娘子幾個好朋友。

(峇里、新加坡之旅) 第三天….烏布(Ubud) (25 Mar 2008)

2008-03-31T23:10:00.004+08:00

今日大家分道揚鏕, 男既Go Diving、女既Go Shopping。去行街街之前join 左個睇海豚既tour, 晨早6:00am食早餐..6:45am就出發, 坐左太約半個鐘頭車到碼頭, 眼前的海真係好靚好舒服..重有好多靚遊艇, 出發啦…玩左成個鐘頭海盜船..先去到睇海豚既地方, 不過真係值得…因為從未見過有咁多海豚jump哩jump去…船既領隊不停吹口哨叫佢地…又真係好似幾得咁..不過淨係睇左太約半個鐘..就返去啦..。之後就搭的士去烏布shopping啦…落車既地方就係Monkey Forest, 不過我地無入去睇, 哩度好多特色既舖頭, Rosan重帶左兩隻長頸鹿返屋企添, 累啦…就搵間比較似樣既餐廳lunch, 坐落先知間餐廳旅遊書都有介紹..叫Three Monkeys…我地坐果個位重係旅遊書影出哩同一個位…哈哈超攪笑。行左一陣街後…又見到有間食店又好多人食..原來又係出名既烤豬店叫Warung Ibu Oka, 好多當地人同遊客都排隊食..我地梗係唔會放過啦…菜單淨係有印尼文..唯有手指指人地嗰d啦…成功..一籃Nasi Babi Guling係面前..唔..d烤豬真係好好食。太約3點幾就搭車返酒店匯合兩位男仕, 今晚去左一間Bumbu Bali食正統既峇里式美食, 我就覺得一般啦..最好食反而係最後既甜品囉, 係我地食飽準備走既時候…隔離枱有個日本女仔主動同我地傾計, 不過佢似乎淨係識講日文…就係數分鐘內我地合照左同攞埋佢email……,佢一個人哩參加潛水course..。因為我地趕時候返酒店做spa…所以唯有再聯絡啦..。個spa真係嘛嘛地..最攪笑係第一次steam係係個好似箱既嘢而唔係去steam room。今日好早休息因為明天就係呀De同Coolie既結婚大日子。

(峇里、新加坡之旅) 第二天….庫塔(Kuta)/海神廟(Tanah Lot) (24 Mar 2008)

2008-03-31T23:05:00.001+08:00

早餐過後就出發庫塔, 之前睇書好似係最多嘢睇既地方….但我都覺得個沙灘又多垃圾, 賣既嘢又唔多啱睇…之後食完個lunch就周圍再行吓, 見到有腳底按摩..就去鬆一鬆, 再起行去海神廟(Tanah Lot)睇吓啦, 車程都有些遠….加上一到達又落大雨囉…真掃興, 不過行吓行吓見到眼前就出現海神廟..又真係幾靚。今日晚飯去左金巴蘭(Jimbaran)海邊食海鮮, 都ok好食啦…

(峇里、新加坡之旅) 第一天….…..香港/新加坡/峇里 (23 Mar 2008)

2008-03-31T23:01:00.001+08:00

朝早6點就要出發去機場啦 ….因為搭8點飛機囉。經過差不多4個鐘頭飛機到左新加坡機場再等4個幾鐘頭轉機去峇里, 不過機場既Terminal 3 真係好多嘢行同食..首先食左粒好似雪米糍物體既嘢..味道就嘛嘛地啦, 跟住食吓點心..再叫杯smoothies飲, 之後係一間鞋舖一次過掃左3對鞋…yeah..。之後搭Skytrain過左去Terminal 2轉機去峇里…又係時間食吓嘢啦…食左個超正pizza同嘆杯啤酒, 行行吓就係哩個時候撞到呀De既媽媽同大家姐一家…佢地係搭遲我地一班機係香港出發….。上機啦….又經過2個幾鐘頭飛機終於到左峇里啦…一踏出機場就見到落緊大雨…即刻搵的士返酒店, 哩度d司機大佬就係咁家啦…比埋地址佢睇都係錯….我地住既Novotel係同一區就有3間…oh no…所以又要再轉一次的士去啱個間, 一齊攪掂後就係酒店食dinner…..不過d嘢食就真係嘛嘛地啦..

峇里、新加坡之旅~前記

2008-03-31T22:52:00.003+08:00

今次都係一次好難忘的旅行…係因參加一對好朋友呀De同Coolie係峇里既婚禮 , 最好玩係新娘子係唔知今次旅行係結婚, 新郎哥真係用心良苦….因為想比個surprise新娘子, 呃佢去影結婚相…..所以之前唔可以係Coolie面前提起去峇里既事…..又唔可以搭同一班飛機..怕撞到, 以為真係一個完美既計劃…但就係結婚之前一天….新娘子起疑心了….最後新郎哥只有坦白從寬….但新娘子不知道有什麼人會出現係婚禮中…….欲知後事如何, 請繼續….睇啦…

(番禺之旅) 第二天….…彿山石灣/香港.(7 Mar 2008)

2008-03-10T01:28:00.003+08:00

一早我地又先到餐廳食個靚早餐, 個杯咖啡真係好正, 之後就出發去彿山搵蔡先生啦, 首先去新石灣睇陶瓷, 大家都買到小小嘢啦…再去醫醫肚, 真係食到好多特別既食物..好似…什麼蛇湯、超正既筍殼魚等等。食飽飽又去公仔街行下, 今次大家都有好多收穫….傍晚時就一齊坐巴士返深圳..便各自回家啦…

(番禺之旅) 第一天….…..香港/蓮花港(7 Mar 2008)

2008-03-10T01:24:00.001+08:00

我們真是兵分幾路, 海、陸、空都有….我們一行七人就搭下午1時50分船, 由中港碼頭出發去番禺（蓮花港）, 經過差不多兩個小時就到達啦, 司機哥哥已經等緊我地啦…之後先到酒店放底行李, 再出發去今晚晚宴的地方, 我都係第一次踏足番禺這個地方, 感覺好好, 地方又乾淨..不過空氣就..差d囉。晚宴的地方就係莫先生開既餐廳….明珠西餐酒廊, 我地好榮幸可以參觀下佢地個廚房, 真係好整齊同乾淨, 重可以親眼睇到師傅整蛋糕添, 好快趣就整到個花花出哩。我地一共二十七人坐係一張好長好長既枱度,一邊傾計一邊享受豐富既晚餐, 真係太好啦….頭盤、沙律、湯、主菜(羊扒同牛扒)、甜品….太豐富啦…又好好食。最精彩的時候又到啦…就玩新郎新娘..你知嗎? 最厲害係佢地係答問題環節真是太令人意想不到, 如問下對方最鍾意食什麼生果, 最鍾意既顏色等等, 佢地都唔駛想下, 就即刻答到。時間差不多我地就返酒店休息啦..

(番禺之旅) - 前記

2008-03-10T01:20:00.001+08:00

今次既短程trip純粹係私人宴會性質, 成班朋友曾經係2005年一齊楂四驅車, 來回香港同雲南一圈, 共同渡過左12日的艱苦旅程, 大家約定今天聚首一堂…見見面同埋商討一下今年的行程。另一件事情…就是我地既莫先生..已經係舊年年底結左婚啦…今天我地就一齊分享下佢地既開心快樂…

後記

2008-02-16T10:50:00.001+08:00

係新年返大陸旅行都幾好, 因大部份人都返左鄉下過年, 街上好少人好舒服, 連馬路車都特別少, 雖然好多店舖都無開,但感覺都好好…可能重點係睇景。成班朋友一齊旅行真係會增進不少感情, 真係一個好難得的機會..

(四川之旅) 第八天….成都/香港 (13 Feb 2008)

2008-02-16T10:47:00.002+08:00

今天決定放棄在酒店食早餐, 因準備去錦鯉街勁食小食, 由大門口一入去就見到Starbucks Coffee, 門口好有中國的特色, 兩旁都係賣特產的小店舖, 轉入另一條街就係小食街, 真係好多嘢食, 好似竹筒飯、肥腸粉、醬爆肉丸等等, 人人買些少一齊試, 之後Daniel同我就去左Starbucks嘆吓咖啡睇書。之後再集合去對面一間聽講係香港人開既酒樓食飯, 我地好似包左成間酒樓, 因就只有我們兩圍人食飯, 午餐後便起行去機場。

(四川之旅) 第七天….樂山大佛 (12 Feb 2008)

2008-02-16T10:43:00.001+08:00

早餐後就出發去樂山大佛同峨嵋山, 旅遊巴突然在高速公路上爆軚(只爆一條外軚), 唯有捱到去一個休息站, 要等救援車哩修理, 好彩剛剛有一個賣茶葉同手信的地方叫天福茗茶, 一坐就個幾鐘, 走時個個一袋袋手信帶走, 疑為攪掂…原來又要捱去搵車房再整, 點知車房又無工具又唔掂, 我們提議唔食午餐先直駛去樂山大佛景區先, 擾攘一輪, 最後我們決定不去峨嵋山, 因時間實在不夠, 淨去樂山大佛, 落車後我們先到一間門面似樣既鄧強飯店吃午餐, 再坐船睇大佛, 不過只是離遠睇無行上去, 司機哥哥就襯這段時間將車修好。傍晚時份就回酒店, 休息一陣又出去食飯, 便各自逛逛街, 原來最辛苦係截的士, 周圍都爭的士…好似比賽咁, 有些團友就行返去算吧。

(四川之旅) 第六天….卧龍/成都 (11 Feb 2008)

2008-02-16T10:37:00.002+08:00

早餐後就沿巴朗山(最高海拔4532米)出發去卧龍睇國寶熊貓, 沿山都見到一片好靚既雲海, 而午餐就係路上一間叫九妹酒家食, 經過一陣子既車程就到臥龍熊貓自然保護區, , D熊貓真係超可愛又攪笑, Daniel捐左500蚊就可以同其一隻熊貓仔一齊影下相, 真係一個難得既機會, 入去同熊貓仔影相時, 工作人員要為你做好預備程序, 穿保護衣、用消毒藥抹手, 至於我…因有些怕怕…所以只有離遠合照啦。行行下見到一個榮譽榜, 一望見到Tony Leung個名, 原來梁朝偉都有捐款養熊貓。太約7時返到入成都..先到一間皇城老媽打邊爐同睇表演, 因今餐開始不用吃團餐啦…那變面既表演真係太精彩啦…回都酒店(就係第一晚住個間)實在太好多, 雖不是最高級的酒店, 但各樣的設備暖氣、熱水等等都有..我們都好滿足啦….

(四川之旅) 第五天….四姑娘山 (10 Feb 2008)

2008-02-16T10:32:00.001+08:00

早餐既時候就聽到好多投訴, 原來不單只無水, 連暖氣、厠所水又無, 有些房既暖顫又唔掂, 大部份人根本凍都無覺瞓, 不過都係無辦法解決, 因所有房已滿無得換, 原來酒店每天都要等水車哩先有水供應, 所以一係早上有水一係夜晚有水供應, 可能係跟團啦…吃的團餐都係嘛嘛地….早餐又吃杯麵啦….。又出發到四姑娘山雙橋溝坐觀光車遊了幾個景點…眼望布達拉峰、盆景灘、攆魚壩等等, 眼見面前的風景先明白幾辛苦都係值得的。午餐又返去酒店食, D嘢食又出奇地OK…再出發去長坪溝, 本來大家一心想步行入去, 但一見到好多馬在門口時…..最後所有人都騎馬….沿路眼到大姑娘、二姑娘、三姑娘同四姑娘山, 行行下突然要落馬行一段路, 因為有些路有冰面, 怕太滑…危險, 當去到一處好靚的灘時大家興奮起來, 因為實在太靚啦…。回酒店後, Tony同權哥即時去探路搵地方食飯, 因…..今天大家已決定不吃團餐啦。休息一陣司機哥哥就送我們都一個好似民宿的地方, 落車後就見到火光熊熊…原來燒緊已預訂既羊….(不過當地既羊一般都係瘦瘦的), 等左好耐都未有得食, 所以先點左d炒菜食下先, 第一隻羊燒好, 但好似食得既肉好少, 所以再點了多一隻羊…但最後因不夠時間燒…最後變了明天早餐, 我們因太肚餓, 所以就走入廚房幫手煮埋一份, 因只一個爐所以連雞都要攞去另一度煮, 雖然只係夠小小填飽個肚, 但氣氛真係好溫馨的…。

(四川之旅) 第四天….新都橋、四姑娘山 (9 Feb 2008)

2008-02-16T10:21:00.003+08:00

因為天氣好凍而酒店亦只有暖顫供應,再加上高山症反應(頭痛)的出現, 所以大部份團友都睡得不太好。酒店對面就有好多一間一間好有特色既藏式民居, 第一站去到塔公寺廟參觀, 山上全都插上色彩繽紛的旗, 好似話祈福咁嘅意思, 離開時見到一群似禿鷹既物體圍圈飛, 我地估可能進行緊天葬。又經過一段很長的車程就到午餐的地方~古堡大酒店, 不過食既嘢就嘛嘛地啦。跟住去到甲居藏寨景區參觀, 眼前一座一座的雕樓真係好特色, 有位穿上傳統嘉絨藏族女仔做我地既導遊, 介紹一下他們族的資料, 然後問我地有無興趣入去其中一間民居參觀下, 酒水及酥油餅任食每位十元, 淨參觀都要五元。我地決定入去…不過最後因民居主人不在…擾攘一陣..又沒有入去又離開啦..又起行往四姑娘山出發。又經過很長的車程終於到達嘉絨大酒店, 放下行李先到酒店附近的地方逛一逛, 買了幾個杯麵便返去食晚飯, 今天開始要吃杯麵啦…因為D饍食真係嘛嘛嘛嘛地啦, 而D員工又淨係識唱歌….。因今年天氣較以往的凍, 所以酒店都要限時限刻提供熱水, 而朝早竟然是沒有水供應…。所以所有人晚飯後立即先衝回房沖涼, 點知…就只有熱水供應, 但無涷水供應, 即熱到熟左。

(四川之旅) 第三天…. 海螺溝/康定/新都橋 (8 Feb 2008)

2008-02-16T10:13:00.002+08:00

早餐過後又出發進入冰川, 今日氣溫明顯低左, 坐觀光車去四號營地睇冰川, 我地要係雪地上行太約一公里到達索道站, 都有些辛苦因為我地係二千幾米海拔區, 路兩旁既樹全舖上雪真係好有意景。終於到達2號冰川啦.. 海拔最低點3640米, 再步行去到1號冰川, 眼前全是景象真係好壯觀….。回到酒店食完邊爐午餐經康定再向有攝影天堂之稱既新都橋出發…沿途經過一個地方叫康巴第一關~折多山口, 海拔有成4298米, 車再繼續沿山路上, 最高去到4525米。傍晚時份終於到達新都橋鑫泰酒店, 先將行李搬上房間, 只行上2樓已不斷氣喘, 不是身子差, 只係在海拔高就會出現這種情況, 休息一陣就無事。晚飯後, 我地買了個好大既生日蛋糕同Maggie全叔慶祝生日。

(四川之旅) 第二天….海螺溝 (7 Feb 2008)

2008-02-16T10:09:00.002+08:00

早餐過後就出發去海螺溝, 今日天氣都不太好..有小小雨咁…連我咁唔怕凍既人都要著最少四件衫先掂, 重有頸巾、手套、冷帽、暖蛋等等既重裝備。經成雅高速抵達雨城雅安, 因車程比較遠, 所以係車既時間都好多, 所以大家都有備而來, 想得到既零食同乾糧都應有盡有。午餐通常在路上既小鄉鎮食, 今日去到一間叫宴會廳食, 係四川食既嘢一般唔係辣椒就係麻辣, 對我地唔係好食得辣既人哩講, 真係有些難頂。不過在路邊買既水果真係好甜好好食, 午餐後又匆匆出發, 突然旅遊車停係路上, 原來要裝雪鏈, 我地所有人即刻走落車係雪地玩同影相, 擾攘左太約大半個鐘又出發啦, 第一個景點可以話係二郎山隧道(國內最長既公路隧道, 全長 4176公尺)…既入口處, 白白既雪一路一路落係地上..好靚。影下相又起行啦….

終於到達海螺溝冰川森林公園….再坐觀光車去到今晚住既雪域溫泉假日酒店, 因今年四川特別凍, 煤供應太緊張所以我地住既地方有時無熱水同暖氣供應, 有時D餸由廚房送到我地面前都凍曬, 所以要食得好快。今晚既節目係去浸露天溫泉….都好正, 最好笑係酒店無熱水供應, 但係溫泉裡面有超熱巴既熱水無限供應, 由酒店去溫泉只行幾分鐘路程可以有咁大分別。嘆完溫泉再去食火鍋真係太正啦…因明天開始慢慢進入比較高海拔的地區, 所以早早就休息啦..

(四川之旅) 第一天…香港/成都(6 Feb 2008年三十晚)

2008-02-16T09:59:00.002+08:00

今次不用司機楊先生載我地啦, 因為Tony既女兒車我地去機場。到達後陸陸續續見到各圑友, 今次一行二十幾人而且大部份都係識, 真係太好玩啦, 今次搭Hong Kong Express要去 Terminal 2 check in, 又快又少人。食左小小嘢就上機啦, 經過兩個幾鐘頭機就到達第一次踏足既成都雙流機場, 一出閘就見到當地導遊小蒲及司機陳師傅, 到達酒店都差不多六點幾, 當地溫度太約6-8度, 比香港凍少少啦。今晚係酒店食團年飯。

四川之旅~前記

2008-02-16T09:58:00.000+08:00

今次自己組團參加四川當地一個叫海螺溝、丹巴、四姑娘山(純玩,騎馬,浪漫五天遊), 係旅行前超忙交功課, 根本未有時間上網睇下四川之資料, 聽團友講當地好凍, 氣溫低至零下二十幾度, 我自己真係未試過咁凍, 香港近來又凍都飛起, 所有暖包又被人掃曬, 好彩有些存貨啦, 在出發前又非常好彩買到勁羽絨同一對可抵禦零下二十幾度既Columbia鞋, 因今次會經過最高既海拔地區, 所以出發前已開始食紅景天, 萬事俱備…準備出發啦

聖誕派對 (24 Dec 2007)

2007-12-28T00:08:00.000+08:00

準備多時的平安夜派對終於到啦, 呀Rae訂了一條好大又超抵的三文魚, 並且親自操刀起片, 重有果個椒鹽三文魚頭, 真勁。今日派對有好多嘢食, 包括沙律、壽司、生果、醉雞翼、鮑魚雞湯等等。最令人感動既係有由Vicky媽親自整既鹵水鴨舌同牛舌同埋Wallace媽為我們預備既超好食糯米飯。最令我地最驚喜及讚嘆不已係由Jason嫂Sammi為我地整既Tiramisu, 個賣相真係好似係大酒店買咁, 味道梗係超超超正啦, 相對我那個薄批蛋糕我要繼續努力啦, 好戲在後頭…就係果隻差不多有11磅既大火雞, 第一次親自去焗啦, 都可以接受既, 純粹應下節啦。食飽飽之後首先係抽獎時間, 我們為每一位到來的朋友預備了一份禮物, 當然有實用同攪笑既啦, 跟住玩下遊戲啦, 最後就係到交換禮物時間啦, 又係最剌激的節目, 因為會選出最好同最差的禮物, 今年真係…….好難選….因為低處未算低…..哈哈哈什麼都有…..魚骨型領呔架、多士爐、CD、遮等等, 不過今次被選為最….差就係足球一個。香檳、冰酒、橙酒、連韓國酒都飲埋, 真係好開心。如果年年都能夠同這班好朋友一齊共渡真係太幸福了。真係希望每一個你地都盡慶同開開心心啦…..

北京之旅後記 (這個後記係過左第一日我隨心情而寫)

2007-12-04T11:06:00.000+08:00

見到他們第一個感覺係….身處三個不同地方(法國、香港、北京)的舊朋友, 係上一次相聚之後就相約下一次的重聚, 當親眼見到、擁抱他們的那一刻真的感動了。每個人為了這次的重聚, 預備了很多很多…食物、好酒、禮物等等, 感覺好溫馨。特別係每天當我地總係被窩熟睡時, Joyce就已經努力為我們預備早餐, 親手做麵包、Pancake比我地食, 真的感謝他們的熱情款待……..

(北京之旅) 第四天….香港 (2 Dec 2007)

2007-12-04T11:05:00.000+08:00

今天又係回家的時候, 早餐後跟他們道別後便起程去機場, 食個拉麵就上機……, 這個旅程好開心。

(北京之旅) 第三天….天安門、故宮、潘家園、朝陽劇場雜技大世界、利群烤鴨店 (2 Dec 2007)

2007-12-04T11:03:00.001+08:00

早餐過後又出發去, 哩到北京梗係要遊下景點, 我地第一站去到天安門, 嘩……好多人呀, 唔知係唔係星期日關係呢, 之後就去故宮, 估唔到下一站既潘家園舊貨市場先係最吸引大家既地方, 因為好多古舊既嘢賣, 重要勁講價, 好似我買隻玉龜仔, 開價六佰, 梗係講唔掂啦, 就走啦….當正準備離開市場之際, 有人拍我一下, 原來就係那個賣玉龜仔的女人, 佢問我幾多錢先買, 佢話唔係特登搵我, 只係去洗手間順路經過, 不過佢又即刻從衫袋攞隻玉龜仔出哩, 我地都好好笑…..所以我地買左啦。都肚餓啦..就去對面果間叫「金鴨都」食餃子, 跟住又出發去睇雜技表演, 這個叫朝陽劇場雜技大世界有好多演出, 如軟骨少女、頂缸、彈跳板空中飛人, 等等….真係好精彩..叫人拍爛手掌。趁有時就去左附近既三里屯雅秀時裝市場行一陣。今晚晚飯好似去到一個隱世小店..係因為落車只見牆上劃左隻鴨, 上面則寫上小店英文國語拼音「LI QUN」, 轉左彎先見到另一幅牆上有比較多的介紹…「利群烤鴨店」, 店裡好細, 只見係走廊玻璃上有好多老闆同好多外交官員、名星影既相, 有陳奕迅、容祖兒等等。食物方面真係好好…食, 特別係出名既烤鴨加埋果枝北京既二鍋頭真係最佳享受。

(北京之旅) 第二天….九華山莊、蘭 (1 Dec 2007)

2007-12-04T11:01:00.001+08:00

早餐過後就出發去九華山莊浸溫泉, 這個地方都好大, 溫泉池都有好多個, 更有藥用的溫泉浸, 再來一個保健按摩真係最好享受。之後就返屋企食下嘢, 跟住又出發去地道既街市遊一遊, 街市個入口超隱閉, 唔係熟人都唔會識去, 想像唔到這個街市真係又乾淨又多種類賣, 好多賣嘢既人都識講簡單既英人…勁。返歸休息一陣又到晚飯時候啦….路經兩旁都係地道既小店, 真估唔到突然轉個彎會係另一個世界, 好靚既高樓大廈就在眼前, 真係一個好大的對比, 晚餐的地方叫「籣」, 原來大有來頭, 係當代著名的設計大師Philippe Starck的精心杰作, 一入到去真係會比佢既設計吸引住, 晚飯後又過去酒吧那邊飲一杯就回去。

(北京之旅) 第一天…..(30 Nov 2007)

2007-12-04T10:56:00.000+08:00

因今次只去四天, 所以就自己就開車到機埸, 準時八點半到達同誠哥匯合, Check-in後就去嘆個早餐先, 經過三個多小時的機程, 一落機已見到有個女仔手上紙上有地三個個名啦, Philippe已安排佢個助理接我們, 真是好週到, 而司機哥哥小李就送我地去Philippe屋企, 唔駛半小時就到達啦, 見到所有好朋友啦…. Philippe、Joyce、Gill 同JoJo, 重識左三個新朋友, 就係呀Gill個家姐Marilyn、姐夫Guy同Philippe個仔仔Mathieu。首先係一輪交換禮物…誠哥送了二套好靚既中空茶壺比呀Gill同Marilyn佢地, 當然要即場試下啦….。休息一陣, 就出去遊車河, Philippe在這裡買了架side-car, 當然要試下啦, 第一站去了一個有好多side-car的地方, 跟住就去了一個小店買下嘢…係時候返歸晚飯啦。這班由法國遠道而來的朋友真是太好….因為佢地帶左好多好食既嘢哩…有生蠔(唔係一隻半隻…..登登登係有九十六隻)、好多枝不同類型既酒、重有芝士、鴨胸、鵝肝等等, 我地都唔失禮…有誠哥精心炮製的鮑魚…正, 重有Joyce為我地預備的燒羊脾(超正)。就在這樣的氣氛中享受一頓豐富的晚餐…

(葛福臨佈道大會) http://www.hkfgf.org (29 Nov 07)

2007-12-04T10:53:00.000+08:00

繼十七年前參加過由葛福臨牧師既爸爸葛培理牧師主講既佈道大會之後, 再參加這次一連四日既「香港葛福臨佈道大會」, 因之後要去北京, 所以就只有這一個晚上可以去, 跟好友Daisy晚飯後就沿保良局、南華會進入大球場, 沿路好多人呀….。入到去即見到一大群穿白袍的詩班員坐在台的一邊, 當晚有詩班獻詩、大樂隊伴奏等等, 當然有葛福臨牧師既分享啦, 佢講到聖經新約路加福音19章有關撒該的事情, 最後就到呼召的時間, 好多人走到球埸裡面決志信耶穌, 好快就佈滿指定的區域裡面, 感謝主。

(梅窩之旅) 第二天 (25 Nov 2007)

2007-11-28T22:12:00.000+08:00

早餐後, 我們大夥兒就駕著電單車浩浩蕩蕩出發, 因時候關係只能去到長沙便要回去參加梅窩-哈利電單車展覽的開幕禮及電單車遊戲。好多本地居民同遊客都來湊熱鬧, 重有一個外國人自薦參加我地揸電單車鬥慢比賽。咁難得既機會我地就趁食飯前的時間又去遊一遊, , 我們就駕電單車途經長沙、塘福、大嶼山郊野公園, 再去到…..大佛來一張大合照就午飯啦, 下午繼續有遊戲時間…, 太約4點多回程…..一切都非常順利….。

(梅窩之旅) 第一天 (24 Nov 2007)

2007-11-28T22:06:00.000+08:00

平時去梅窩就係搭船去, 今次就係一個好難得的機會可以坐電單車直接由東涌去梅窩, 經過迂迴曲折的山路, 巴士都係行這條路線, 雖然仍然有好多路維修緊, 但比起以前真係好好多。是次其實係香港哈利車主會同離島婦女會合辦既慈善活動, 真係幾有意義呀…到達後先將所有電單車停泊好, 再將隨身行李放係今晚住既銀礦灣酒店, 午餐就去到附近的德仔記食, 椒鹽鮮魷又真係幾正, 之後就由黃褔根先生帶我地在梅窩觀光一番..銀礦洞、梅窩文武廟、銀礦瀑布等等, 最特別係途經一個可能係香港最古舊的厠所。在酒店小休一陣, 黃昏時候派對開始啦, 酒店既自助餐都有好多不同種類的食物, 連印度拉茶都有。重有一隊由幾個青年人組成的樂隊表演(由長洲來的), 之後有啤酒同汽水勁飲大賽, 當然重有唔少得既大抽獎….我亦係幸運兒之一..。面對靚靚的海灘同聽住一聲一聲規律的海浪聲, 真是最好享受…

(柬埔寨之旅) 第八天…金邊、香港 (7 Nov 2007)

2007-11-21T20:31:00.000+08:00

來到最後一天, 早餐後權哥同花仔就到酒店接我們返廠, 之後就到去123吃飯, 之後去了一個好似泰國翟度翟的市場行, 都好多野買…牛仔褲、杯杯碟碟、飾物等等。時間差不多要去機場啦……就這樣歡度左一個愉快的假期..

(柬埔寨之旅) 第七天…西哈努克市、金邊 (6 Nov 2007)

2007-11-21T20:23:00.000+08:00

早餐後就準備游水啦….先到泳池游一游熱下身先, 再到海灘暢泳…個海灘水清沙幼..連一粒石都好似無, 人都唔算太多..所以好爽。中午又要出發趕回金邊, 不過先去參觀一下權哥係柬埔寨投資買既地先…都好大。再去到一間叫Golden Sea Restaurant醫醫肚即出發, 回到金邊都天黑啦…..我們先回酒店休息一陣, 今晚我地住係金邊大酒店, 我覺得幾有澳門葡京feel, 比較地道D, 今晚晚飯去左得月樓吃湖南菜啦, 都好多中國人食….

(柬埔寨之旅) 第六天…西哈努克市 (5 Nov 2007)

2007-11-21T20:02:00.000+08:00

一早又起程出發啦…經過一些村落, 突然好多穿校服踏單車的學生佈滿路的兩旁,不是所有學生都有單車, 唯有步行回家啦….不經不覺又到食飯時間啦…一下車又見到好多人抬住一盤盤的東西走到我地身邊, 登登登…又係炸蜘蛛…今次真係有真人show..就係呀沙表演即食炸蜘蛛, 當佢食緊時…有一半蜘蛛腳外露那個樣子真是令人毛骨耸然, 不過見佢食得津津有味, 真係佩服佩服。午飯後又起行啦….今日要坐過河渡輪…人車一齊過..不過只係幾分鐘就到啦, 船停了一架一架車慢慢駛上岸, 不過會掂到水既..。左轉沿51號公路直駛……太約半個小時再到14號公路路口..再過約15分鐘很快便到油站啦…人同車都係時間加加油、打打氣。近黃昏天未黑就已到達酒店啦..這間酒店無論房間、設施都好整全, 最超正係游水可以選擇係大泳池或私人靓海灘..只有這間酒店住客先可以享用..我地休息一陣就出去食飯….今晚食飯既地方..好隱閉…, 下車後走過一條長石路就到金銀島海鮮餐廳啦, 我地就坐係一個好似茅屋型但有石櫈既涼亭裡面食海鮮(想像唔到呢), 即係好有風味果隻囖, 食物超正超新鮮。回到酒店原本想睇下有無spa做下, 但full曬所以休息啦..

(柬埔寨之旅) 第五天…吳哥窟 (4 Nov 2007)

2007-11-21T19:04:00.000+08:00

享受完一頓豐富既早餐後便向世界七大奇跡………柬埔寨，吳哥窟出發, 第一眼感覺係震撼, 估唔到有幾大…..這個地方名聽就聽得多, 當親眼見到還是第一次, 剛巧有一對新人係度拍婚紗照, 佢地既服飾同造型真係好地道, 走過一條長長的石路就入到小吳哥, 我終於明白點解可以有一星期票賣, 如果你係一個對古代文化有濃厚興趣的遊人, 你真是能夠遊三日三夜, 我們只遊了大半天已很累很累….最重要梗係要在倒影湖拍個照啦.., 不過有點可惜是不能爬上最高的頂峰, 因為開始準備重修。最深印象係一個叫巴戎寺的地方, 據資料講寶塔周圍被54尊巨型四面佛石雕頭像簇擁, 相連成群, 深印象係因為佢地每一個都有不同的表情, 真要慢慢去欣賞才可領悟。另一處很吸引人的地方係達婆羅寺(Prasath Ta Prohm), 最引人注目係那些參天熱帶巨樹的龐大根系, 它們竟然能緊緊盤纏在石墻和石建築之上把古石建築攔腰包起, 成為深深扎根在石墻上的參天大樹。經過大半天的遊覽真是很累, 所以先行回去做個spa再出去打邊爐, 食飽飯最好就係去夜市行下啦…消化一下…再回酒店休息..

(柬埔寨之旅) 第四天…桔井省、暹粒 (3 Nov 2007)

2007-11-21T19:03:00.001+08:00

早餐後便一齊出發, 我們想先到越南同柬埔寨的邊界行一行, 不過這個邊界真係非一般簡單, 拍照留念便起程往吳哥去…沿途見到好多以前一公升可樂玻璃樽放在路邊, 最後先知道裡面所裝既係電油, 方便隨時有油入, 又到食午餐時間, 飯店叫Arunras Restaurant,一落車係飯店旁就有好多人抬住一盤盤的東西走到我地身邊, “嘩，炸蜘蛛”, 我當然唔敢食啦, 拍個照即走啦, 繼炸蜘蛛又一巨獻….登登登….蜜蜂巢…驚嚇程度非筆墨所能形容, 又起行啦……在柬埔寨差不多日日都係藍天白雲, 令人心情都特別開朗, 差不多準備進入吳哥城前的油站我們先入油, 這裡的油站亦特別靚兼有冰凍可樂送….爽。好快就到今晚住的酒店Sokha Angkor Resort, Siem Reap, 第一個感覺酒店都算好大好靚好舒服, 先來一個welcome drink….一切辦妥就到房間休息一陣, 我就第一時間到Basement既Jasmine Spa睇下環境, 再make定appointment啦…又出發啦, 我們趕住去睇日落的吳哥….不明文規定買明天票先可以睇今天既日落, 但又要5點鐘先開始有飛買, 所以要急步上山真係趕d啦, 不過個景都好靚, 最好玩係爬樓梯, 真係好斜…好直, 真係要手腳並用先掂, 一路落山天都慢慢黑..。晚飯後就回酒店Spa啦…

(柬埔寨之旅) 第三天…金邊、桔井省 (2 Nov 2007)

2007-11-17T12:36:00.000+08:00

早餐後, 便沿6號公路出發, 去到加德士油站與B哥匯合, 我就同呀沙同呀芳駕私家車先行去買粟米便先出發, 因為其他人開摩托車一定快過我地, 差不多到吃飯時間, 花仔打比我地話比我地知食飯的地方在未過大橋前見油站左轉的小路, 但我們找了好多次都找不到, 原來我們走錯路啦, 由一開始分道揚鏕就出現「向左走向右走」, 唯有趕緊走回頭路匯合他們啦, 午餐後即到油站入油再起程, 因今天要走的路比較多, 沿途經過都係一些小村落, 有些小孩子都赤腳在街上走, 又到下一個油站…吃杯雪糕休息一下, 便起程去睇海豚, 我們在岸邊都見到一隻一隻游上游落, 之後出發向今晚下榻的酒店出發, 黃昏好多牛牛會出哩行街街, 所以各駕駛者真係要小心小心, 入夜了終於到達GMG Hotel, 先稍作小休再在酒店內晚飯, 這間酒店另一邊係一個賭場, 我地係晚飯後都玩了一陣便休息啦…

(柬埔寨之旅) 第二天…金邊 (1 Nov 2007)

2007-11-17T12:32:00.000+08:00

在酒店吃過早餐後,準時9時正呀沙接我們出發去參觀皇宮(The Royal Palace), 沿途見到一個紀念柬埔寨獨立的紀念碑在大路上正中心點, 皇宮地方好大, 我地入去參觀現時皇帝開Party的地方, 而皇帝瞓覺的地方就只能遠觀不能進入啦,下一站去到紅高棉大屠殺博物館(Genocide Museum)參觀, 淨係聽個名真係唔知係紀念什麼, 原來在柬埔寨共產黨的「三年零八個月」管治期間，處於戰亂的柬埔寨估計可能有200萬人死亡。按被殺害的人及全國人口比例來計算，這是20世紀中最血腥暴力的殺戮之一。這個博物館未算震撼, 下一個去到的地方骨塔, 係建築物入面全都放滿人頭骨, 所有人都是死於柬埔寨共產黨管治期間。係時候醫醫肚啦, 今天去到一間叫咖啡屋的地方lunch, 下午我們就跟權哥、呀芳同花仔去參觀廠房, 我自己就未參觀過咁大的廠房, 重唔只一個添, 最後去了他們正興建的新廠房地盤參觀, 晚餐去了小紅樓吃, 最好食係D 法飽, 越食越好味, 之後便回酒店休息…

(柬埔寨之旅) 第一天…金邊 (31 Oct 2007)

2007-11-17T12:29:00.000+08:00

午飯後, 權哥、Daniel同我就坐楊先生的士出發去機場, 經過兩個多小時機程終於到達柬埔寨既金邊國際機場, 落機後只行數步即到辦理簽証的counter, 只需將填好的申請表(在機上派發)連同護照交比職員, 再在旁邊counter交20元美金就ok, 過入境處後取行李, 就真真正正開始這柬埔寨之旅, 權哥已安排車來接我們, 認識了新朋友呀芳同呀沙, 我們先去一間叫王府魚翅海鮮酒家飯家晚飯, 點了幾個小菜都好好味, 晚飯後便回酒店, 酒店都好乾淨舒服, 休息一陣就去酒店地庫做massage,都好正。

後記

2007-09-26T11:27:00.001+08:00

起初以為以色列真係一個好危險的國家, 但…….現在又覺得不是想像中咁。最開心係一行十一人都是相識已久的老朋友, 真是一個千載難逢的機會, 真希望再有機會一齊去旅行啦….

(以色列、約旦之旅) 第十天….. 亞拉得、基訓泉、西羅亞池、聖約翰堂、Visitation Chapel (7 Sept 2007)

2007-09-26T11:19:00.000+08:00

早餐過後收拾一齊, 旅遊車便走回90號公路離開死海, 便向亞拉得(聖經曾於民數記21章1節提及亞拉得王) 進發, 到達亞拉得古代山參觀一個叫The Israelite Temple的地方,裡面有至聖所(Holy of Holies), 原來在一堆石頭牆上的一條分隔線是代表考古前後, 這裡還出現很多叫火石的石頭。早上10時多便回到耶路撒冷, 便往大衛塔(Tower of David)進發, 但沒有開門所以明天再來, 牧師便帶我們從窄窄的街道進入舊城區,沿途見到不同教派的會堂, 又見到毫不起眼的當地Hostel(即超難搵囉),就去一個叫聖馬可堂的地方, 不過是這個旅程一個最恐怖的經歷(所以忘記 “她”啦), 之後牧師帶我們去猶太人的地下街逛逛, 今天午餐會去到一個當地出名的餐廳吃地道嘢, 香港人當然不習慣啦, 周生唯有行去之前到過的君子堂外買了一個粟米湯啦, 午餐後就去到一個叫基訓泉(Gihon)的地方,耶穌時代基訓泉流出的水會流到西羅亞池再到死海。之後去到西羅亞池(Pool of Siloam), 下一站到達隱家琳的雞鳴堂(St. John Chapel), 係有關聖經記載彼得三次不認主的事,牧師先為我們講解及祈禱後便各自拍照, 再到山上一個地方叫聖約翰堂(St John Ba) Harim,係一個紀念約翰的教堂,再到Visitation Chapel參觀, 在堂外空地見到一棵卑麻樹,教堂入面的壁畫真係好靚好意思, 離開這裡。

(以色列、約旦之旅) 第九天….. 耶利哥、試探山、昆蘭、隱基底、死海 (6 Sept 2007)

2007-09-26T11:09:00.000+08:00

早上準時8時離開酒店, 經過太約50分鐘車程到達約旦邊境,準備返去以色列, 今次真好不用坐Shuttle Bus, 可以由約旦旅遊車司機直接送我們過境, 車一停定就有一個貌似職員既人走近旅遊車, 之後又叫我們領隊Vicky下車進行一連串問話, Vicky上車後以為一齊攪掂,點知又叫另一團友呀貓下車問話, 終於問完…全體團友便帶齊所有行李進入一個好似特別的過關通道(因為睇唔見有其他旅客),得幾個職員行行企企咁, 又係問話時間, 領隊Vicky又被問話啦, 之後一個跟一個遞上護照, 經過一輪手續後…我們便乖乖坐底等牧師到達。當見到牧師的一刻, 心裡有一份再見老朋友的感覺, 又想起他的口頭嘽。沿90號公路向南駛便會到達耶利哥(Jericho),沿途經過便呀憫支派同猶大支派交界處,前後經過以色列同巴勒斯坦關卡檢查, 經過一個地方牧師介紹叫佢做耶利哥既銅鑼灣(即係好旺囉)一陣, 旅遊車便在一夥樹路邊停底, 原來這種樹就係聖經中提到有一個稅吏長叫撒該,為了見耶穌便爬上的桑樹上(路加福音19章節)。又出發啦…一息間旅遊車又突然停底, 下車左望望右望望, 原來眼前望到既係試探山(Mount Tempt), 相傳耶穌在耶利哥的一個山上接受魔鬼的試探, 在山上還有一間叫試探山修道院, 是紀念耶穌在曠野四十晝夜受試探。下一站係昆蘭,去到一個叫The Secret of Qumran地方參觀, 最深刻的是館入面一些好似用掃瞄手法的彩色畫(真係好難形容), 好似覺得會“旭”咁, 之後就去到另一個室外的地方叫Qumran National Park地方, 在大帳蓬下就聽牧師講解, 最記得就係牧師介紹的其中一個洞叫第四號洞,就係發現得最多古卷的洞, 午餐就在National Park入面既餐廳醫肚, 醫飽肚就到隔離店舖進行搜購行動, 有人大出血, 有人流了少少血, 牧師被我要求下又帶我們去到一間叫AHAVA factory再出血。又上路啦..下一站去到隱基底(En-gedi), 牧師解釋隱的意思是水泉, 基底的意思是小山羊, 先去到一個叫Ein Gedi Field School地方參觀,真的見到一群羊正在草地散步。係時候起程向一個細細個常聽到的一個地方….死海(Dead Sea)出發, 沿路突然見到一枝石柱, 原來是一個記載於聖經創世紀第十八章有關所多瑪蛾摩拉的事, 到達我們住的酒店, 真係好靚設備又整全,休息一陣便出發去死海游水, 大家心情都無比興奮, 最失望係搵唔到黑色既海底泥,連唔識游水既都可以扮游水(哈哈…因為真係勁浮), 最後全部女仕先行撤退, 部份男仕繼續死海暢泳, 今天真是太精彩啦….

(以色列、約旦之旅) 第八天….. 皮特拉古城 (5 Sept 2007)

2007-09-26T11:03:00.000+08:00

早餐過後便浩浩蕩蕩由酒店步行向皮特拉古城出發, 雖然導遊先生不斷沿路講解, 但似乎我們都忙住爭取時間影相,雖然有某一段可以比錢坐馬, 但我們所有人都想用腳行, 早上天氣還可以(陽光不太猛烈), 初段期間差不多都是睇石、影相、低頭向前行…突然導遊先生叫我們排成一行, 低頭數十步行, 心知到達啦….周生最希望到達的重要景點….帝王的陵墓(即電影奪寶奇兵的場景), 全體團友不約而同哼出奪寶奇兵的主題音樂, 只可在外影相不可內進,今天午餐就在皮特拉古城內吃, 回程時我們都只用了很短的時間完成, 因為下午陽光開始猛烈, 所以我全程就是帶帽、飲水、勁行。完成今天的旅程便趕回安曼的酒店去…在酒店游了一陣水便吃晚餐, 晚餐又去night market既starbucks喝杯Coffee便回去。

(以色列、約旦之旅) 第七天….. Jordan Archaeological Museum、Mount Nebo、聖佐治教堂 (4 Sept 2007)

2007-09-26T10:57:00.000+08:00

今天第一站到達位於安曼東邊既Jordan Archaeological Museum參觀, 下一站就去到尼波山(Mount Nebo), 最難忘是山上豎立的一支紀念摩西的蛇杖, 下一站去到距離尼波山約十分鐘車程的美達巴聖城(Madaba),在這裡可以看到全世界保存得最完整、最古老的馬賽克版圖, 去到聖佐治教堂(St. George Church)內有一幅馬賽克聖地聖地版圖。因明天一早便出發向是次旅程另一期待已久的……皮特拉古城出發…所以午餐過後便要趕路去酒店, 這間酒店係最靚的一間, 從游泳池方向外望, 可以看到皮特拉古城怡人的景色,除了可以大夥兒一齊暢遊之外更可在這泳池旁享受今晚豐富晚餐,..真是快樂無比。

(以色列、約旦之旅) 第六天….. 迦拿婚宴堂、伯善古城國家公園(3 Sept 2007)

2007-09-26T10:51:00.000+08:00

準時9時出發, 太約10分鐘車程便到迦拿婚宴堂(The Cana Catholic Wedding Church), 建於1880年並於1999重修, 大家在裡面就排排坐聽牧師講解約翰福音第二章有關耶穌在迦拿變水為酒的經文。離開迦拿婚宴堂之後見到有一個記念拿但業的教堂, 但沒有入去睇睇,下一站就去到一個叫Zippori National Park的地方, 最難忘就係有些團友去擇下仙人掌的果實吃, 哈哈! 點知落極生悲,仙人掌既刺就痴曬係手、身同埋口囖, 勁攪笑, 午餐後就去到一個有冷氣同擺放了很多古物的地方參觀,之後去到伯善古城國家公園(Beit Sh'an National Park), 其中有一個超可愛的集體去厠所的地方叫 a public latrine, 因今天要去約旦,所以行動要快, 急住過關、攪退稅之後便暫時與牧師同司機哥哥說再見啦, 又要忙著等坐過境巴士, 樣樣都要快、快、快。在整個過程中真是能見識清楚真正韓國人的厲害同勁強的民族意識, 下車後正要趕去約旦辦入境的地方之際, 有一個外國人欄住我….原來是約旦的導遊, 就係我們排隊之際總有些陌生人不知係幾時在中間插入…無計, 一切妥當, 便出發去到位於安曼的酒店, 晚飯過後全體人員出發去night market逛街, 這裡的交通都幾混亂, 亡命的的士司機加上海鮮價格一般的的士費真比我不是太好的印象。到了小超市逛左一陣又返酒店…

(以色列、約旦之旅) 第五天…..約帕、該撒利亞腓立比、八福山、聖彼得首席堂、迦百農、約旦河 (2 Sept 2007)

2007-09-26T10:36:00.000+08:00

今天早上在旅行車上做了一個崇拜, 沿街85號公路直走, 沿邊就是加利利海, 第一站來到該撒利亞腓立比的Tel Arad National Park參觀, 小河的鱒魚游呀游, 反而我對一個圓錐體的物件有興趣, 因為推呀推可推出同一段經文不過有多種語言在沙堆出現,下一站就去到八福山(Mount of Beatitudes), 耶穌曾在此「登山寶訓」, 又到午飯時間, 一路上經過以色列同黎巴嫩的邊界, 當牧師講比我地知, 今天是吃當地最名貴的……..聖彼得魚, 大家即是反應……..嘩….因為我們最後吃的是每人一條超炸的聖彼得魚, 有團友話最好食係旁邊既薯條, 又起程啦…..下一站係聖彼得首席堂(Church of the Primacy of St Peter), 耶穌就在這稱為提比哩亞海邊的地方, 查問彼得愛主的心後, 便將群羊首席牧首之位與權責都交付彼得, 教堂內有傳統耶穌為門徒預備早飯的石頭, 今稱為「基督的桌子」。下一站是參觀迦百農(Capernaum), 迦百農是「加利利的一座城」, 亦是耶穌基督在他傳教生活時期往來最多的一座城, 今天最後一站是到達一個接近約旦河的地方, 裡面有一個地方叫Jordan River Baptismal Place, 當時正進行洗禮儀式, 聖經記載--那時、耶穌從加利利的拿撒勒來、在約但河裡受了約翰的洗。他從水裡一上來、就看見天裂開了、聖靈彷彿鴿子、降在他身。又有聲音從天上來說、你是我的愛子、我喜悅你(馬可福音第一章9-11節)。今天的行程又完結了, 一心準備回酒店便立即游水, 但…酒店話泳池無開….真可惜。

(以色列、約旦之旅) 第四天…..約帕、該撒利亞(古羅馬劇場、古引水道、十字軍城堡)、迦密山(迦密堂)、拿撒勒(報喜堂) (2 Sept 2007)

2007-09-26T10:27:00.000+08:00

真驚喜今天一清早就到達一個超靚的海邊, 而且入到一個小教堂, 下一站就去到一個叫Caesarea's National Park-The Roman Theater睇有關羅馬劇場同十字軍城堡參觀(即大希律王的宮殿), 去到古羅馬劇場, 張牧師叫我們各人分別企係各不同地方, Uncle同肥貓就企係劇場的台中間唱歌(梗係唔用咪啦), 我太約企係看台中間位置, 基本上都能聽得到, 個設計真厲害, 因陽光都很猛烈加上參觀的地方又在室外, 都有些辛苦啦, 參觀完就起行午餐, 沿路都可以見到古引水道, 午飯後就上到迦密山看風景, 迦密山得名於希伯來語「Karem El」意思是「上帝的葡萄園」,下一站就去一個位於米吉多的Tel Megiddo National Park參觀, 最有印象就係果個Water System, 因為我成班人都有行入去, 一味係咁行係咁行…行完, 下一站就去到位於拿撒勒的報喜堂(Basilica of the Annunciation), 據說這是天使加百列向馬利亞報喜的地方, 這裡都有擺放世界各地送贈的畫, 而最深印象都係台灣送贈果幾個人物公仔名叫Queen of China, 今日行程又告一段落, 回到酒店準備游水……但已關閉…唯有準備心情吃飯….食物都算不錯。

(以色列、約旦之旅) 第三天…..哭牆、主誕堂、殉難博物館、聖安妮堂、畢士大池、苦路十四站 (31 Aug 2007)

2007-09-26T10:17:00.000+08:00

一早出發, 第一站是猶太人視為最神聖的地方「哭牆」(Wailing Wall), 我們由糞門(Dung Gate)進入, 先要經過一個保安檢查及通過金屬探測器, 之後男女又必須分開參觀, 男的地方比女的地方大一倍左右, 最令我難忘是那些婦女她們的面是緊緊的貼著牆祈禱同讀經, 我當然都有寫左一張心事紙比神啦, 並將紙緊緊藏在牆隙縫中, 下一站去到位於巴勒斯坦境內伯利恆(Bethlehem)的「主誕堂」(Church of the Nativity), 入到教堂裡好寧靜, 但入到一個洞內就人山人海, 原來那洞就是耶穌降生的地方, 之後又回到以色列午餐, 今天吃韓國菜(真安排週到), 不過餸菜就一般啦, 下一站係殉難博物館, 是記念當年有六百萬猶太人被殺害, 有一半是死在波蘭, 牧師正準備帶我們到下一站的時間,突然係某條街角轉入, 原來是去到「聖安妮堂」 (St Anne’s Church) 同「畢士大池」(Pool of Bethesda)的地點, 聖安妮堂是一個我感難忘的地方, 是因為我們在這裡一同清唱 “奇異恩典”, 那一刻心裡感動起來, 因神真的與我們同在並賜下恩典。而畢士大池這地方就是耶穌基督昔日醫治病了三十八年的人,而下一站就算是這旅程最期待已久的「苦路十四站」, 來到這裡第一個感覺是比想像中有很大分別, 差不多整條苦路兩旁全是商店, 第一站現在是一間小學的位置, 很多站都有一個像齒輪的標記作記號, 第十站至第十四站都在聖墓堂 (Church of the Holy Sepulchre) , 耶穌的墳墓就在教堂內, 走上一層, 就會看到不同的壁畫。今天是安息日, 所以在酒店有很多人在大堂聚集, 在每張桌上都擺放了一枝葡萄酒及一枝酒給來賓享用, 食物也特別豐富。

(以色列、約旦之旅) 第二天…..升天堂、主禱文堂、橄欖山、主哭耶京堂、客西馬尼園、大衛塚、以色列保護館、花園塚 (30 Aug 2007)

2007-09-26T10:10:00.000+08:00

在酒店吃過早餐後, 旅遊巴司機Omar先接我們, 然後再接張牧師便向南方進發, 第一站就是位於橄欖山 (Mount of Olives) 的「升天堂」(Church of the Ascension), 進到教堂第一個感覺係從未如此咁接近神, 此教堂是紀念耶穌基督升天, 當年門徒就係這個地方觀看藍天白雲將耶穌基督接走的情景, 下一站「主禱文堂」(Pater Noster Church), 這地方係一個法國既太子妃買下, 並有超過144種不同文字所寫的主禱文, 而係門口的兩邊分別放了中文同梵文既主禱文, 跟住上到圍繞耶路撒冷最高的橄欖山, 從高山處下望有好多墳墓, 有好多信徒為了更接近神, 便於死後埋葬於此, 沿棕樹主日路下去就是「主哭耶京堂」(Dominus Flevits), 那設計真是獨特吸引, 外型像兩行眼淚流下, 旁邊有兩個花樽似的設計, 是喻意盛載耶穌基督的眼淚, 眼見有些旅客因穿短裙而不能進入。下一站來到一個從信耶穌開始常聽到的地方名「客西馬尼園」(Garden of Gethsemane), 客西馬尼的意思是壓橄欖池(Olive Press), 穿過一個小花園就進入萬國教堂內, 有好多婦女都跪在地上俯身向一塊傳統上認為耶穌曾跪在其上祈禱的大石禱告, 沿途經過錫安門再去到大衛塚(David Tomb), 男女必須分開參觀, 男性更需要戴帽才可進入, 肚餓了,今天在一間叫君子堂的中餐廳午餐, 那粟米湯更是頂瓜瓜。午餐過後便參觀以色列保護館, 其中最吸引我的一個代表黑暗同另外一個代表光明的雕塑, 雖然看似簡單但含意又深厚, 下一站去到「花園塚」(Garden Tomb), 從這裡可以望到昔日各各他的地方, 有一個牌子寫上「於是彼拉多將耶穌交給他們去釘十字架,他們就把耶穌帶了去, 耶穌背著自己的十字架出來、到了一個地方、名叫髑髏地、希伯來話叫各各他。他們就在那裡釘他在十字架上、還有兩個人和他一同釘著、一邊一個、耶穌在中間(約翰福音19章16-18節。」如果沒有到過真難想像是怎麼的一個地方, 在這地方最難忘是牧師帶領我們一同共領聖餐, 那個環境、那個心情跟那份感動真是非筆墨所能形容, 晚飯在酒店吃,晚飯後我地去了所謂夜市行街, 當然無嘢睇啦….便歸家..

(以色列、約旦之旅) 第一天…..特拉維夫 (29 Aug 2007)

2007-09-26T10:05:00.000+08:00

今天準時正午坐楊先生的電召的士(即設備整完個架呢)出發去機場, 之前都知道到達counter要先被以色列航空的職員問話才可check-in, 所以樣樣都要比較緊慎, 原來只係循例問左幾條問題, 行李都唔駛查。但去到閘口排隊時, 眼見前面有些旅客的行李被職員全部拿出檢查, 連鞋也要除出徹底檢查, 我心裡即時想:「唔係嘛, 咁嚴重」但最後我地又唔駛檢查就上機啦。經常十多個小時機程終於到達以色列既特拉維夫機場, 在著陸的一刻全機人都鼓掌, 感謝神讓我們平安到達這聖地,順利通過海關便見到今次我們以色列既導遊張牧師,他給我第一個感覺是那慈祥的面容, 經過太約40分鐘的車程(已接近午夜時份)便到達我們在耶路撒冷下榻的酒店Park Plaza Hotel 休息準備明天一早起程..

法國南部之旅第十天 (7 Jul 2007)

2007-07-27T10:20:00.000+08:00

不經不覺今天係最後一天ride車啦, 拍照過後又出發啦, 去到Grand Canyon見到一班人正準備笨豬跳的預備工夫, 當然沒有見到有人跳的情境啦, 在沿途經過一個好靚的湖, 湖水是綠色的重有好多人在湖上划艇, 又去到另一地方叫Moustiers Sainte-Marie, 裡面有個薰衣草園, 我地梗係唔會放過拍照的機會, 經過一輪在公路奔馳, 終於安全返到Harley-Davidson Montpellier shop還車, 在shop之前那個回旋處, 我真不禁說句…快樂的時候真是過得最快。

整頓一切後便出發去酒店休息一陣再happy hour, 之後再乘的士去晚飯的地方, 真估不到今晚有一個專為我們這次trip而設的試酒會, 真係好開心…紅酒、白酒、香檳等等枝枝都係好酒, 除了我們一行九人外, 重有呀Dew既細妹同妹夫、Philippe同Gilles既好朋友等等。就這樣渡過了在Montpellier最後的一天….

法國南部之旅第九天 (6 Jul 2007)

2007-07-27T10:19:00.000+08:00

今天一出發第一件要做既事就梗係餵飽飽架車先啦, 便向Monaco進發, 聽就聽得多因為這地方周街都係靚車, 當經過Monaco牌後好多靚車便出現在路上, Aston Martin、 Lamborghini等等, 沿海的屋梗係正宗背山面海, 我們去到一個叫Menton的地方, 那個海灘的水真是藍得有層次, 沿海邊駛過不經不覺過了意大利(Italia)的境界線, 我們就在意大利吃了一頓lunch及暢泳一翻, 之後又浩浩蕩蕩駕車回法國。

我們又去到團友呀Gilles既朋友家參觀,我們就係一個佈滿葡萄既花園內飲香檳, 又去到一個好有藝術氣氛的小鎮吃晚餐, 小小的一間舖只擺放幾張畫, 加上柔和的燈光襯托真係充滿藝術既氣息, 晚飯後便回去了…

法國南部之旅第八天 (5 Jul 2007)

2007-07-27T10:17:00.000+08:00

早餐過後,第一站是去今晚住宿的地方放下所有的行李, 之後便起程去海灘暢泳一翻, 之前梗係要醫吓肚先啦, 青口、pizza、重有那個超大超新鮮既番茄沙律等等都好好食, 陽光都好猛烈, 我同Daniel選擇了行吓街, 今次選擇了沿海邊路回去, 真係好靚好靚, 好多大大小小既沙灘都好多人, 回程時亦經過康城(Cannes), 梗係見到康城影展舉行的場地那條紅地顫啦, 不過交通都好繁忙, 肚餓啦便回去晚餐, 還未返到去差不多所有車都亮起油燈, 要入油啦, 但這裡的油站好早就關門, 真驚險, 最後當然平安到達, 又幾刺激呀, 今晚有超正既磨菇湯, 飲完都飽飽啦….

法國南部之旅第七天 (4 Jul 2007)

2007-07-27T10:16:00.000+08:00

今天天氣非常好, 同屋主道別後便起程, 一路上景色怡人, 那些山、湖美得非筆墨所能形容, 今天會去picnic, 所以先去買定食物, 來都一間看似普通的店舖, 原來裡面所賣既酒、芝士、蜜糖等等都係home-made既, 老闆重將佢自己整的x衣草蛋糕比我地試, 都好好味, 午餐及休息過後便起程去NICE, 途經一個名 Les Demoiselles Coiffees 的地方, 係一些好特別的石, 不過只能遠觀因走近會有危險, 之後又去到一個叫La Bonette 的山上(Altitude係2802m), 梗係要拍拍照留念啦, 因今天好早去到留宿地方, 我們放下行李便一齊去游水曬太陽, 晚飯之後我們駕車去NICE最旺的地方行吓啦, 就係沿海的石灘, 兩邊全是有名的酒店, 旺的程度真好似去左Las Vegas, 我們在路邊的酒吧飲了一杯後便回去了…

法國南部之旅第六天 (3 Jul 2007)

2007-07-27T10:15:00.000+08:00

今天有些不同, 因為早餐過後那段路中, Robert同Yukino會同我地分道揚標, 真有些不捨得, 因習慣車隊有6架車, 不過我們鐵定回港後必定再聚, 今天行經一條超長既隧道叫Tunnel du MONT BLANC, 總長有1km 時速70都要行太約半小時, 隧道費要港幣214元呀, 過了隧道不久已經由法國去到意大利, 我們就在路邊coffee shop 嘆吓咖啡先, 哈哈, 之後又過返法國繼續路程, 上到一個地方叫Col du Petit St Bernard (Altitude 2188m) 都幾凍, 因太多單車手在山上小店聚集, 所以轉移去附近的地方lunch, 入油後在沿途上見到一大班上年紀的人架著很多老爺車, 我們在收費站之後休息時就見到陸陸續續有不同的老爺車向我們駛來, 我們也跟他們閒談一翻及拍拍照後再起程, 突然一群多不勝數的羊群在路中心經過, 我們的電單車慢慢走入羊群, 最後也要待它們全部從一邊走到另一邊才可開車。

今晚留宿的地方係一個很特別很特別的民宿, 裡面就好似係山洞一樣, 每一間房間都有不同的特色, 我們就住在最頂的一層, 從屋頂的小窗看, 可以看到藍藍的天空, 屋主真是好細心, 居然提供無線上網的服務, 今天晚飯實在太難忘啦…因為除了吃到地道的菜, 還可以嘗到港式炒飯(由誠哥下廚), 我當然有入廚房偷師啦, 飯後大家再暢談一翻, 談天說地一樂也。

法國南部之旅第五天 (2 Jul 2007)

2007-07-27T10:13:00.000+08:00

天氣不太好, 早餐過後去了一個比較大的市鎮, 搭吊車去雪山(Chamonix Mont-Blanc-France 3842m), 上面既溫度真係估唔到咁凍, 重嘆左一杯都幾好味既熱紅酒, 我都係第一次飲熱既紅酒, 就在我們周圍參觀之際, 突然見到3個人係白檬檬的雪中一步一步的行近, 原本佢地就係攀山隊, 真係好厲害…(之後睇新聞好似有幾個隊員失蹤左, 最後搵翻), 落山後行到一間吃中菜的地方, 一碗簡簡單單的海鮮麵就令我們有無限的滿足感, 而誠哥當然要同老闆暢談一翻啦。

之後在市內觀光, 這裡賣蛋糕、麵包及朱古力的店舖是最吸引我,又靚種類又多的擺放在窗櫥, 怎能令人不走進去買點試試呢? 今天晚餐去了一間pancake店, pancake的種類超多同超特別, 我覺得最特別係咖哩雞飯pancake, 老闆兼大廚的誠哥當然唔放過試整的好機會, 不負眾望表演一流…

法國南部之旅第四天 (1 Jul 2007)

2007-07-27T10:09:00.000+08:00

萬里無雲, 空氣清新無比, 一起身誠哥、Daniel同我就出發行山, 不過只行了半個小時多些便回去吃早餐, 拍照過後便起程啦..沿途到達一個小鎮, 便在這裡行一陣, 之後去到一個好靚既湖邊lunch, 今日係Sunday所以人都好多,下午活動就係係這個靚湖邊暢遊一番, 不過水好似幾凍呀, 幾位壯男梗要落水試試啦。

活動過後便起程往今晚住的地方進發….突然烏雲密佈行雷閃電, 我們就立即停在路邊換裝備又起程, 經過九曲十三彎的路,突然小克的車剎車系統失靈(即係剎唔到車啦), 我們便稍作休息。沿途兩旁的屋都好特別, 用不同的木同磚而建成, 每間屋的露台都種有美麗而豔麗的花, 終於到了住的地方 (可以望到雪山), 這裡的房間是再重新裝修過的, 真係估不到的舒服…

法國南部之旅第三天 (30 Jun 2007)

2007-07-27T10:07:00.000+08:00

一大清早briefing及早餐後便出發, 沿途見到好多一個個或一隊隊的單車手, 上山落山都有他們的踪影, 今天我們會在一條河邊野餐, 我們先在一間supermarket買齊午餐要吃的食物, 突然見到有一隻隻好似兔肉的東西放在凍櫃裡面, 嚇了我一跳, 超甜的哈密瓜、香噴噴的燒雞、超好味既薯仔等等好多的食物, 之後在草地上休息片刻真是人生最大的享受。

今晚住的地方面向一片廣大的草原, 到處有掛著噹噹的牛及羊, 休息一輪便是晚餐時候, 今晚就只有我們這班客人, 主菜是由這裡出產的黃酒而煮成的雞意粉(正!), 我們當然不會放過品嚐這種出名的黃酒啦, 味道濃烈….勁, 跟住就係party time, 一部小小的CD機, 令我們跳過痛快…cha cha、牛仔舞、十八步、扭腰舞等等……各位舞王要現身啦…

法國南部之旅第二天 (29 Jun 2007)

2007-07-26T17:51:00.000+08:00

享受過一頓豐富早餐後便出發, 早上氣溫通常比較清涼, 所以要全副裝備, 中午時份有時溫差比較大, 我們先到達一個market, 有不同類型的芝士、麵包同橄欖賣, 我們就在其中一個攤檔買了即食青口, 好好吃呀, 真估不到今天午餐會在一個環境優美的湖邊野餐, 剛巧有兩位法國人預備在湖邊釣魚, 大家都跟他們說笑要等他們的大魚上釣, 可惜我們離開時沒有魚上釣。

午餐後便起程去到一個歷史悠久的堡壘, 站在上面望下去真會有腳軟的感覺, 參觀完堡壘便向Aurillac出發去今晚住宿的地方, 沿路見到一些比賽的賽道, 原來係法環單車賽用的, 今晚住係一個好特別的農莊, 一踏入去就會見到顏色豔麗的花, 你知嗎, 在一間有七百多年歷史的石屋內品嚐地道的法國菜是一種非筆墨所能形容的最佳享受, 再加上那種一試便令人喜歡的粉紅酒, 最開心是大家可以一夥兒走進廚房參觀, 這裡的果jam都係home-made, 大家有說有笑歡度了一個晚上…

法國南部之旅第一天 (27-28 Jun 2007)

2007-07-26T17:42:00.000+08:00

吃過晚飯便起程出發去機場, 車程真舒服因乘搭一架設備整全的的士, 包括有最新雜誌、即日報紙、DVD機、蒸餾水供應等等。到達機場最先見到誠哥(英記火鍋老闆)同新認識朋友Joyce, 入到閘口再見到新朋友Vicky同小克, 真感謝Joyce的安排令我們可以舒舒服服的渡過10個多小時的飛機, 但在機場裡人太多又要過關, 我們無法在預定時間登機, 所以要順延一班飛機再轉飛Montpellier機場。

終於到達啦, 見到其餘既隊友…Philippe, Robert, Yukino, Gilles & Dew, 一行十一人先到Harley-Davidson Montpellier shop 取已租的Harley及醫肚, 拍照後便向第一站Milau出發, 第一次踏足歐洲, 感覺太好了, 藍天白雲連空氣也特別清新, 沿路經過很多小村莊, 大部份屋是已建築超過一百年多, 每個村落都會有一間歷史悠久的教堂, 不經不覺已到達今晚住的地方, 安頓一切後便吃晚飯, 今天是一個好開始……

澳洲之旅第二十九天 (Cairns)-(20 Apr 2007)

2007-04-20T22:23:00.000+08:00

今天準時8點出發, 因為要趕去Cairns lunch, 去到途中一個城鎮叫Townsville都幾大, 又見到一間似樣既中菜館, 就即停低吃lunch啦, 我地係唯一既客人, 今餐d餸就不同啦, 有麻婆豆腐, 梅菜扣肉, 蒜泥大蝦, 最好食都係非一般的京都骨, 飯後就再出發啦, 太約5點幾就到達Cairns啦, 好快就搵到地方住, 之後去shopping同dinner, 行到一間好似food court 既地方即入去, 因為見到有雲吞麵同牛肉米粉吃, 不過當然係香港果d最好味, 下一個行程就係去night market, 都算幾熱鬧(可能因為係Friday的關係) .

澳洲之旅第二十八天 (Airlie Beach)-(19 Apr 2007)

2007-04-20T22:22:00.000+08:00

今天準時7點45分到Shute Harbour集合, 就出發去Great Barrier Reef, 經過太約2小時的船程就到達, 不過中途的大浪叫好多人嘔吐不斷, 男士們今天參加了diving, 女士們去了玩snorkelling (浮潛), 浮潛時見到好大條蘇眉同海龜係身邊游過, 除了snorkelling, 重有其他活動, 例觀魚室, 坐船海底睇魚等等, 船上有自助餐供應, 都好好味, 太約2點幾就要回程, 總括整個tour都幾好玩, 晚上就去左另一間中菜吃飯(motel老闆娘介紹), 不過水準都係一般啦, 今日都好累啦, 所以回去瞓覺啦.

澳洲之旅第二十七天 (Airlie Beach)-(18 Apr 2007)

2007-04-20T22:20:00.000+08:00

今天本來預計漏夜趕去Cairns, 係搵地方lunch時去到一個叫Mackay既市鎮, 一到即見到一間唐人餐館門口大大隻字寫住旺角, 我地興奮無比, 如果今天lunch又係fish & chips, 我想我要罷食啦, 哈哈今天吃了一頓豐富的午餐, 有剛燒好的燒鴨, 苦瓜炒蛋, 炒什菜, 咕嚕肉, 都好好味, 在異鄉一聽熟悉的廣東話, 真係感到好親切, 老闆娘總介紹我地去一個地方, 有得fishing同diving(大堡礁)添, 所以第一時間去買魚排同工具預備今晚出動, 經過差不多一小時車程, 又到左另一小鎮叫Airlie Beach, 真係成果旅遊勝地, 路兩旁好多motel 同resort, 又係好full啦, 問左幾間, 去到一間motel, 佢地只得一間房, 但好好人幫我打電話去問下其他motel有無房, 最後佢幫我地搵到對面間motel有房, 我地睇睇就好滿意啦, 因為有露台, 重有大泳池, 休息一陣, 即去游水啦, 晚上去了整條街好似唯一一間中國菜晚餐, 係行去途中, 見到有潛水團, 大家商量左一陣, 決定係Airlie Beach逗留多一晚, 於是入去book定明天既活動, 明天會參加一個叫Fantasea Reefworld既 tour, 之後就dinner啦, 入到去自己搵位坐底後, 有個中國人走哩,原來佢係香港人, 係中餐館既大廚, 佢話這裡所有食物斬係外國人煮法, 叫我地不如去隔離果間泰國菜食好過, 都係同一個老闆, 我地最後去左吃泰國菜啦, 又見到另一個香港人, 又問下有什麼好食, 佢都係話好多都係外國人煮法, 不過佢都介紹左d款式, 最後叫左青咖哩雞, 炸魚餅, 炒西蘭花同埋佢介紹既一款甜咖哩羊肉, 都總算過得去啦, 之後中餐館既大廚走過哩同我地傾下計, 晚飯後就出發去碼頭fishing, 收獲就係二條魚啦, 可能潮退關係啦, 所以收兵…..

澳洲之旅第二十六天 (向Cairns出發)-(17 Apr 2007)

2007-04-20T22:18:00.000+08:00

今天都要一早出發Australia Zoo (鱷魚先生果個呢)太約都要2個鐘頭先到, 都有幾多動物睇, 例如Tasmanian Devil, 老虎, 樹熊, 紅袋鼠, 蛇等等, 一個接一個的表演都好精彩, 見到d訓練員又要邊介紹有關鱷魚的資料, 對眼又要成日望住d鱷魚一舉一動, 都幾緊張, 到散埸時, 隻鱷魚都唔肯遊返入去, 都幾攪笑, 今日又可近距離接觸d樹熊, 不過佢地都唔係好理d人, 淨係瞓覺, 最多睜大隻眼望一望又瞓過, 最好笑係當我地同隻玩左一段時間後, 有工作人員走過來掛個牌係樹熊旁邊, 原來招呼d人太耐啦, 樹熊夠鐘休息啦, 又有另外一隻補上, 勁攪笑, 太約2點幾要走啦, 今晚目的地係搵一個大d既城市住一晚, 所以到9點就即時要入附近大市鎮搵地方住, 最後去到一個叫Rockhampton, 條條街都好多motel, hotel同lodge, 疑為好易搵到啦, 點知間間都No Vacancy, 最係搵到一間toilet同沖涼要係出面既hotel, 真奇怪咁都可以叫hotel, 連dinner都只搵到一間係油站旁的fast food shop攪掂, 太夜都無心情吃啦.

澳洲之旅第二十五天 (Gold Coast)-(16 Apr 2007)

2007-04-16T20:56:00.000+08:00

今天大家都唔發覺係早上9點check-out, 果個老闆娘已經將d清潔用品放曬係門口等我地啦, 唯有即走啦..今日決心搵一間海邊apartment住, 終於搵到一間無敵全海景既apartment啦, 重可以無線上網…超正, lunch後大家一齊落海灘曬太陽同游水, 水清沙幼…一流, 真是令人落而忘返, 大廚wood今天預備了豆鼓排骨飯同又開了枝 Penfolds BIN 28 紅酒….

澳洲之旅第二十四天 (Gold Coast)-(15 Apr 2007)

2007-04-16T20:55:00.000+08:00

今日我去左一個factory outlet shopping, 都幾大啦, 不過行左一陣突然好想去吃意大利粉, 行到一間不但有蕃茄意粉吃, 重有粟米雞湯飲的餐廳(都ok好味), 最回味都係果個超好味既….devil chocolate 蛋糕, 大廚wood今晚又準備左超正既炒意大利粉同煎羊排.

澳洲之旅第二十三天 (Gold Coast)-(14 Apr 2007)

2007-04-16T20:54:00.000+08:00

今天的節目就係去華納片埸, 規模就好似細d, 今天天氣好得不知點去形容, 在香港好少會見到啦, 機動遊戲都有跳樓機, 過山車, 重有被水照頭淋既滑浪飛船啦, 我最深印象反而係果兩個人扮既蝙蝠俠同羅賓漢, 因為蝙蝠俠為顧型像, 真係cool到暈, 我做佢都幾辛苦, 但係羅賓漢就相反地笑到見牙唔見眼, 好攪笑.

澳洲之旅第二十二天 (Gold Coast)-(13 Apr 2007)

2007-04-16T20:52:00.000+08:00

今天被好嘈的警鐘吵醒, 因隔離房個消防警號著左, 消防員即到啦, 原來只係浴室d蒸汽引起既, 收拾行裝就出發去搵海邊既Apartment住啦, 不過因為係weekend既關係, 所以好貴好貴, 最後租了一間好似係家庭式經營既apt住左3個晚上, 不過d服務同設施就麻麻地啦….個廚房又話唔用得, 厠紙又要比錢買, 不過總算有2個睡房同個似樣d既客廳啦, 放低所有行李就出發去最旺既town行下, 好多男男女女都赤腳走在街上, 當然有赤裸上身既猛男同穿三點色既美女啦, 今天午餐去了一間都好地道既日本店吃, d壽司同miso soup 超正, 差不到近黃昏, 我地join左一個坐Aquaduck既tour, 奇實係一架水陸兩用車載你周圍遊, 都幾得意, 因為大家都開始吃厭了那些burger, pizza等等東西, 所以晚餐通常由我們兩位美男廚房話事人..Wood & Daniel 負責, 所以我們每日都會將去Supermarket當成一個節目.

澳洲之旅第二十一天 (向Gold Coast出發)-(12 Apr 2007)

2007-04-16T18:29:00.000+08:00

今天好早要出發去Gold Coast, 所以早餐同午餐都係在路邊既快餐店攪掂, 晚上太約八點鐘, 終於到達黃金海岸, 第一件事就係要搵apartment住, 但因太夜, 好多都無人再接待, 找了幾間因價錢貴或無房既原故, 所以大家決定醫肚先, 就走去一間日韓的餐館吃飯, 剛好旁邊就一間inn又有vacancy, 今晚先住一晚先…

澳洲之旅第二十天 (Sydney)-(11 Apr 2007)

2007-04-16T18:28:00.000+08:00

今天出發去Blue Mountain, 我同Daniel去過所以係café睇書, 之後去左一個叫Katoomba小鎮嘆coffee同shopping, 之後想去Zoological Park, 但去到又close啦, 所以去左Coles Supermarket 買定明天早餐, 因明天好早出發去Gold Coast……

澳洲之旅第十九天 (Sydney)-(10 Apr 2007)

2007-04-16T18:26:00.000+08:00

Check out 之後就去機埸接呀Wood一家, 好耐都未見佢地出現, 原來佢地想帶d杯麵比我地, 點知大部份係唔入得口既味道, 最後得翻4個辛辣杯麵, 其他都沒收曬, 之後先去YHA Central搵房, 這間YHA又新又近唐人街, 跟住去唐人街吃越南粉, 真係ok好食, 之去了Fish Market同Sydney Opera House行, Daniel 同 wood 就去左玩 jet boating, 佢地話都幾激啦, 之後去左Harbourside dinner….

澳洲之旅第十八天 (Sydney)-(9 apr 2007)

2007-04-16T18:25:00.000+08:00

Daniel個friend呀Wood一家明天會到達Sydney, 今天我地朝早忙於找一間可以上網的地方住一晚, 行左一圈, 就搵到啦, 好似YHA果D咁, lunch去了唐人街吃雲吞麵同干炒牛河, 都ok好味, 我地今天主要upload返d相同個blog, 所以上網時間較多, 晚餐係街市買了d菜返房煮..

澳洲之旅第十七天 (Sydney)-(8 Apr 2007)

2007-04-16T18:23:00.000+08:00

今天出發去Sydney一年一度係Olympic Park舉行既大show, 大家都認為無什麼特別好玩, 奇實真係有好多好多香港天馬鑑嘉年華無得睇既野啦, 好似有羊, 馬, 豬睇, 跳水表演, 教釣魚(有個都好大既魚缸), 有既場整Steak Sandwich 比賽, 又有woodchop比賽, 而機動遊戲比小朋友玩多, 好似海盜船, 跳樓機等等, 足足玩左5個幾鐘頭, 近黃昏啦, 因今晚Thailand 同 Rosanna要返香港啦, 所以要起程食晚飯之後就去機場, 今晚去了好似好出名既金唐中菜食, 但就麻麻地啦…

澳洲之旅第十六天 (Blue Mountains National Park)-(7 Apr 2007)

2007-04-09T10:09:00.000+08:00

今天一早出發去Blue Mountain, 首先去了一個叫Leura 既小鎮, 好多特色既東西買, 各團友都滿載而歸, 我地都係一間最多人既restaurant 吃午餐, 都ok好味啦, 之後就出發去位於Katoomba 既Scenic World, 裡面有三種可算係交通工具乘搭, 包括Scenic Skyway, Scenic Railway, Scenic Walkway 同Scenic Cableway, 我地買既門票包括來回程既Scenic Skyway及回程 , 沿途睇到不同景色包括Echo Point/Three Sisters, 再搭Scenic Railway, 其實好似一D入礦洞用既車咁, 不過一開車就有D激, 因為會入黑洞而車會由高至低往下駛, 不過好短程啦, 之後就係Scenic Walkway, 即係行山啦, 太約行了半小時多D啦, 最後就係Scenic Cableway (即Cable Car)睇下景色, 回程時很大雨, 哩咁耐澳洲好似未遇過咁大雨, 之後在Coles (大型supermarket) 買了肉眼扖, 雞串, 菜..同埋袋鼠肉返去煮當dinner, 我真係唔敢試…

澳洲之旅第十五天 (Sydney)-(6 Apr 2007)

2007-04-09T10:05:00.000+08:00

今天係Good Friday成個city都好靜, 第一站係雪梨歌劇院, 不過無想像中咁靚…舊d啦, 天氣十分差所以遠望雪梨大橋都麻麻地靚, 不過都有些人係都行大橋, 之後去了Circular Quay (環型碼頭)行左一陣, 之後一間睇到海景既餐廳食左一餐豐富的午餐, 每人食了半隻龍蝦, 之後去了岩石區(The Rock)行了一圈就出發去Paddy's Market, 最估唔到係唐人街就係附近, 好多中國人shopping, 有好多香港地道小食都有得買, 我就吃了一碗碗仔翅, 味道就…麻麻地啦, 之後去了一間賣鮑魚的店舖, 買了乾鮑同即食鮑今晚做晚餐, 真係馬不停啼話咁快又去到Sydney Fish Market, 不
過今日係Good Friday, 所以d shop 都開始close 啦, 我地第一時間即跑去買了兩種各半打既Oyster 坐底就食, 不過好壞參半啦, 之後去一個叫Harbourside Shopping Centre行了一陣, 就返去cook dinner啦.

澳洲之旅第十四天 (Canberra/Sydney)-(5 Apr 2007)

2007-04-09T10:01:00.000+08:00

早餐後去市內觀光, 又去shopping centre 行下, 之後就出發去Old Parament House, 睇水柱及去了Telstra Tower Lunch, 今天吃了安格斯牛, 不過煮得麻麻地好食, 午餐後就出發去Sydney啦, 路程都好短只係285公里, 所以未天黑就到達啦, 因明天係Sydney既Good Friday 同weekend 所以周圍既hotel同 motel都full & 貴, 最後選擇試下住YHA, 因係香港已申請了Hostelling International會員証, 可以用得著, 不過4人房同要成100蚊澳幣, 所以都唔係太抵, 不過總要試下啦, 廁所同浴室都係出面都有d唔方便, 第一次係公眾廚房煮……罐頭湯, 都幾新鮮…今天晚餐在一間唐餐館吃, 始終都係唐餐好味d.

澳洲之旅第十三天 (Canberra)-(4 Apr 2007)

2007-04-09T09:59:00.000+08:00

今天早上向坎培拉出發, 因趕路所以早餐同lunch都係在路上的餐廳食, 太約夜晚7點幾入都city啦就要搵地方住啦, 大城市既酒店真係貴d同幾full, 真好最後找到一間好平同又有wireless上網的motel, 店員又介紹左一個好近既食飯的地方比我….Dickson Shops, 有好多不同的餐廳, 泰國菜, 意大利菜, 當然有中國菜啦……重超好味, 因為我地今餐有例湯, 大蟹, 糖水, 重有一個好nice 既老闆娘招呼…..正.

澳洲之旅第十二天 (Phillip Island)-(3 Apr 2007)

2007-04-09T09:57:00.000+08:00

今天早上去一個叫Victoria Market的地方行, 有好多生果買, 士多啤利最平都係一蚊盒, 都好好食,, 之後去了Crown Casino一轉同lunch, 就出發去Phillip Island, 我們在差不到到達Phillip Island之前, 發現路邊有間叫Maru Koala & Fauna Park 睇動物的地方, 10蚊澳幣就可以近距離睇到好多動物, 如親身喂袋鼠, 我就好怕啦, 佢地好似一見d食物即跳下跳下過哩, 不過最深印象都係一隻叫Tasmanian Devil 既動物, 因為佢剩係識沿住D track 係咁走, non-stop 個隻, 真係好傻咁, 時間差不多啦, 先在information centre買飛入 Phillip Island 睇企鵝, 在路上見到Grand Prix Circuit 賽車場就入去行下,終於到達睇企鵝的海灘, 係一個未有心理準備的情況下見到一隻好細的企鵝行上海灘, 本來預計會係6:45先上岸, 所以好興奮,擺下擺下勁得意, 陸陸續續都見一群群企鵝上哩, 之後就趕回city同Simon & Fion 晚飯. 之後就番motel 啦.

澳洲之旅第十一天 (Melbourne)-(2 Apr 2007)

2007-04-09T09:53:00.000+08:00

今天一早出發去第一個景點---十二門徒可, 睇完真係唔知剩返幾多塊可, 之後去左Apollo Bay lunch 啦, 雖然係沿海地方, 但係都係無新鮮海鮮吃,真失望, 之後去到一個較大的city叫Geelong吃個tea, 就出發向Melbourne市中心出發, 沿途今日見到樹熊, 佢眼碌碌望住我地但唔郁, 好攪笑, 去到Melbourne第一時間找Daniel個friend Simon, 佢係到居住好耐, 晚上就一齊在一間叫食為先的菜館吃, 都好好味.

澳洲之旅第十天 (向Melbourne 出發)-(1 Apr 2007)

2007-04-09T09:50:00.000+08:00

今日就開始4人行啦, Daniel, Thailand, Rosanna & Me 啦向Melbourne出發啦, 預計會係十二門徒附近住宿, 今天近距離遇見了很多好少見的動物(梗係死左啦), 如有fox, 箭豬, 我地班戰地記者梗第一時候落車影相啦, 唔經唔覺已經過了2個州啦, South Australia同 Northern Territory今日開始進入另一個州, Victoria, 入夜就在一個叫Port Campbell 搵到一間Best Westin 留宿, 之間就在一間店員介紹的餐廳 Waves Restaurant 晚飯.

澳洲之旅第九天 (Adelaide)-(31 Mar 2007)

2007-04-09T09:43:00.000+08:00

今日出發去我們團友Rosanna等左好耐必到的地方....Barossa參觀Penfolds酒莊, 一去到太家都好興奮, 第一時間開始試酒啦, 原來個tour已經開始左, 店員就介紹係另一地方叫Seppelt Seppettsfield酒莊既tour比我地, 即趕去啦, 不過這個tour主要介紹佢自己酒莊既成立背景, 同講解釀酒過程等等, 午餐去左食我地第一日哩到Adelaide同Q仔一齊食果間越南粉, 之去了Glenelg Beach, 風景好靚, 今日係我地係Adelaide最後一天, 因明天出發去Melbourne, 今天晚上所有人, 包括楊生, 楊太, Mary, Bobby, Q仔一家, 呀忠及女朋友, Felicity及我們4位團友啦一齊享用豐富的晚餐

澳洲之旅第八天 (Adelaide)-(30 Mar 2007)

2007-04-09T09:42:00.000+08:00

因要處理有關架車的事情, 所以天未光就回程返Adelaide, 早餐同午餐都快吃, 下午返到city啦, 就要攪牌照事情, 辦妥後, 就係同一商場吃了生蠔同壽事, 超好味同超抵, 今天晚餐去了德國村, 不過shopping地方不多, 不過我們就去了一間出名吃豬手出名既餐廳叫Hahndorf Inn晚飯, 又真係幾好食, 之後回去找地方瞓

澳洲之旅第七天 (Ayers Rock)-(29 Mar 2007)

2007-04-09T09:40:00.000+08:00

今早6:15am就要起程去睇Ayers Rock, 因為日出日落照塊石都有不同顏色, 都好特別, 今日會留宿一d叫underground既Motel, 我地入住comfort inn underground, 個老闆娘超好人, 佢又平比我地, 又帶我地參觀, 最估唔到有得無線上網, 跟住就在市內觀光及晚飯.

澳洲之旅第六天 (Alice Springs)-(28 Mar 2007)

2007-04-09T09:39:00.000+08:00

昨晚下大雨, 今早準時6點半出發, 又去麥記早餐呀, 之後去information centre問下有什麼好玩, 員工介紹左幾個, 我們出發去身第一個叫Alice Springs Reptile Centre 睇爬蟲類動物, 一見門面麻麻地所以走了, 之後各自Shopping再集合到一間旅遊書介紹既中國菜叫 “金滿園”lunch, 老闆唐先生已移民好耐啦, 佢都好熱情招待我地, 吃飽就起程, 在油站遇到一個香港人叫Gilbert, 佢都係一個人去Alice Springs, 所以最後一齊起程, 差不多黃昏時候到達, 就即刻去買飛(3 days pass)去睇Ayers Rock, 都好靚,之後就住係附近的resort啦

澳洲之旅第五天 (向Alice Springs 出發)-(27 Mar 2007)

2007-04-09T09:38:00.000+08:00

今天一早出發, 先在麥記吃過早餐, 首先由我先drive 150公里, 都ok啦, 不過重頭戲就係等袋鼠出現, 我地一班戰地記者, 一見有死動物出現, 就即停車影相, 今天lunch係Coober Pedy 吃, 太約晚上8點就到達Kulgera 住宿啦, 明天再起程

澳洲之旅第四天 (向Alice Springs 出發)-(26 Mar 2007)

2007-04-09T09:33:00.000+08:00

今天要等bobby,楊先,楊太及Mary一行四人下機之後就一齊去chinatown飲茶, 估唔到D點心及炒粉麵都好好味, 之後去辦館入D水及乾量, 跟住先去Q仔家放低Bobby係香港帶哩既福麵, 東菇及比小朋友的玩具, 就出發去Alice Springs, 今天目標只係300公里, 所以5時幾就到motel啦, 稍作休息就出發晚飯, 當然要討論一下明天的行程啦…

澳洲之旅第三天 (Adelaide-阿得箂德)-(25 Mar 2007)

2007-03-28T09:43:00.001+08:00

昨晚睡不著, 差不多天光起身開電視睇, 一開就見到朗尼好似踢緊2008 EURO既比賽, 一睇就睇了整個上半場, 再睡過, 8時半出發去接Thailand同Rosanna, 之前有時間就去China Town 行下, 原來星期日真係9成shop都唔開, 得幾個人係度行, 去到機場, 重有成個鐘頭, 好彩有得免費無線上網, 打發下時間, 我地都預左佢地兩個會遲D出哩, 因為佢地要幫我地帶杯麵同公仔麵各一箱來澳洲, 可以送禮及自用, 見到佢地啦, 原來海關人員要拆開佢地D麵哩Check, 最後比海關沒收了四包麵 (包括了辣海鮮麵同雞蓉麵), 原本約左今日下午去Q仔家BBQ, 但因為Ronald佢地有事做, 要遲些, Q仔就帶我去左Henley Beach 行下, 一望無際的海灘 (超正), 又可以喂下海鷗, 之後去了一間買酒的shop, 好多種類的紅酒, 下一個景點…登登登就係本人正在係香港讀緊書的University of South Australia 既其中一個Campus, 雖然只影到一Flexible Learning Centre 的門口, 都好開心, 因為個logo真係好有親切感,之後就去了Q仔屋企BBQ啦, 一邊飲下紅酒一邊食下雞翼, 快快樂樂享受了一個下午, 7時半大家各自散去, 我們一行四人先去附近油站買些左本地出品Mango & Orange Juice(超正)及一些零食, 就一路行一路等bus, 點知見到有bus哩, 唯有…..勁追啦, 司機好好人等我地,原來我地已經追到去巴士站, 一程巴士每人澳幣3.8, 嘩都好貴, 原來可以任搭2個鐘頭, 我地太約搭了15分鐘啦記落車, 之後就去左昨晚買pizza外賣的餐廳dinner, 晚飯後步行回酒店啦………..

澳洲之旅第二天 (Adelaide-阿得箂德)-(24 Mar 2007)

2007-03-25T07:52:00.000+08:00

昨晚睡得很好, 太約9時多起牀整理一切, 等Q仔接我地, 今天佢太太同兩個小朋友都有一齊哩, 第一站去一個地方叫Eagle on the Hill附近睇Ronald比賽, 不過去到完結啦, 昨天他已攞了一個獎牌, 今天佢另一位女同事Sean又攞了一個銀牌, 都好厲害, 這個比賽集合了全世界警察及消防員既單車比賽, 之後我地兩個同Q仔一家去了唐人街吃餃子, 都OK好味, 之後Daniel同Q仔去買GPS, 我地就去行唐人超市, 都好多野買, 連腐竹, 出前一丁, 都有得買啦, 不過梗係貴D啦, 之後去了一間幾大既Shop叫Bunnings Warehouse 都好五金及園藝用品都有得買, 可以行夠一日既, 買完之後去了Q仔家上網, 同小朋友玩下, 黃昏啦, 我們二人去唐人街買了一大個Pizza, 肉醬意粉及半打Oyster回Motel吃..今天旅程結束了…

澳洲之旅第一天 (Adelaide-阿得箂德)-(23 Mar 2007)

2007-03-25T07:50:00.000+08:00

經過八個多小時飛機, 終於到達第一站阿得箂德, 天陰下毛毛雨咁, Daniel一個朋友叫Q仔會來接機, 等了一陣未見, 就打電話比佢, 原本有事做走不開, 佢已叫了另一個朋友哩機場接我地, 見到佢啦….佢叫呀忠, 係到讀冷氣工程既, 佢陪我地首先去船務公司, 睇下架車係香港運到過來未, 第一個壞消息出現啦, 原來我地架車昨天才運到, 之後又要經澳洲海關再檢查, 無問題後, 又要去運輸處申請臨時牌照, 原本我地一心想一到步即時攞到車, 現在要多等最少5天才有, 小小失望啦, 之後就去了Q仔的車房找他, 之後佢帶我地吃越南牛肉粉, 都幾好食, 之後呀忠繼續載我地去找今晚留宿的地方, 就在一間叫 Country Comfort 連續租了3個晚上, 這裡無論衣,食,住,行都比香港高得多, 如一杯中可樂(同麥記size一樣)要澳幣1.99 (即約港幣12元), 放下行李就小休一陣, 晚上我地步行了太約15分鐘去唐人街晚飯, 我想全鎮最旺就係這裡啦, 有Central Market 又有不同類型餐廳, 行到Central Market 好多麵包及生果買, 好多人, 我地就買了2 升鮮奶及一袋麵包, 之後去了food court 晚飯, Daniel 既朋友Ronald係這幾天係這裡參加一個 2007 World Police and Fire Games 比賽, 打電話比佢, 又係附近, 佢不消幾分鐘就到food court找我地, 係一個陌生的地方見到熟識的面孔, 總是最溫暖的, 第一天旅程結束了…

(台灣之旅) 第三天 - 基隆 (14 Mar 2007)

2007-03-22T10:08:00.000+08:00

吃過早餐後便出發去基隆, 在台北車站搭火車去到基隆車站, 一出火車站就見到一個基隆的旅遊中心, 太好啦, 一步入中心, 兩位熱情的服務員立即問我地要去邊度, 又介紹基隆好玩的地方, 經過一輪傾談, 便搭公車出發去和平島, 沿路上, daniel 就覺得這地方似曾相識, 我就真無印象啦, 當見到和平島的大門口及那印有和平島公園的大石, 呵....之前真係來過啦, 梗係唔再入去啦, 下一站就去碧砂漁港, 自己選海鮮就可到對面的餐廳煮, 真係有好多種類, 下一站去到廟口食小吃, 小街兩旁掛住黃色小燈籠, 因我地吃得太飽, 所以每人只係飲了一杯果汁, 都好好味, 黃昏時間, 便乘國光客運回台北,我們下一站去忠孝敦化附近, 由於我們太疲倦而架車又快又舒服關係, 一醒起就到啦, 險些錯過落車, 肚餓啦, 每次去台北, 我地必去"牛爸爸牛肉麵", D 甜品最好食...